Serokwezîr Mesrûr Barzanî bi Serokkomarê Tirkiyeyê Erdogan re civiya

Serokwezîrê Herêma Kurdistanê Mesrûr Barzanî îro 7ê Çile li Koşka Komarî ya Enqereyê bi Serokkomarê Tirkiyeyê Recep Tayyip Erdogan re civiya.

Serokwezîrê Herêma Kurdistanê berî hevdîtina bi Erdogan re, li Wezareta Derve ya Tirkiyeyê bi Wezîrê Derve Hakan Fîdan re civiya.

Hikûmeta Herêma Kurdistanê di daxuyaniyekê de ragihand, di hevdîtinê de, guftûgo derbarê pêşxistina pêwendiyên di navbera Herêma Kurdistanê û Tirkiyeyê de û pêşhatên dawî yên rewşa giştî ya Iraq û navçeyê hatin kirin.

Serokwezîrê Herêma Kurdistanê Mesrûr Barzanî îro pêş nîvro bi serdaneke fermî gihişte Enqereyê.