Serokwezirê Kurdistanê û wezîrê derve yê Tirkiye civiyan

Serokwezîrê Herêma Kurdistanê û Wezîrê Derve yê Tirkiyeyê pêşxistina pêwendiyên dualî û rewşa navçeyê gotûbêj kirin.

Serokwezîrê Herêma Kurdistanê Mesrûr Barzanî îro 7ê Çile li Enqereyê bi Wezîrê Derve yê Tirkiyeyê Hakan Fîdan re civiya.

Hikûmeta Herêma Kurdistanê di daxuyaniyekê de ragihand, di hevdîtinê de, guftûgo derbarê pêşxistina pêwendiyên di navbera Herêma Kurdistanê û Tirkiyeyê de û pêşhatên dawî yên rewşa giştî ya Iraq û navçeyê hatin kirin.

Biryar e piştî vê civînê, Serokwezîrê Herêma Kurdistanê bi Serokkomarê Tirkiyeyê Recep Tayyip Erdogan re bicive.

Serokwezîrê Herêma Kurdistanê Mesrûr Barzanî îro pêş nîvro bi serdaneke fermî gihişte Enqereyê.

Serokwezîr Mesrûr Barzanî pêştir roja 20.06.2024an bi serdaneke fermî gihîştibû Enqereyê û bi Serokomarê Tirkiyê Recep Tayyip Erdogan û Wezîrê Derve Hakan Fîdan re civiyabû.