Kurdistan niştimanê pêkve jiyanê ye

Serokê herêma Kurdistanê, bi minasebeta hatina cejna Ekito daxûyaniyek ji bo raya giştî ragihand.

Peyama serokê Kurdistanê:

Cejna serê sala nû ya Aşûrî Babilî 6772 (Ekîto), li xûşk û birayên Kildanî, Aşûrî û Siryaniyên li Kurdistan, Iraq û li her dera cîhanê bin bi germî pîroz dikim. Ji bo wan cejneka xweş û aram dixwazim.

Em careka din, di vê cejnê da, tekez dikin ku Herêma Kurdistanê wekî hertim bi landik û niştimanê pêkvejiyanê, hevdu qebûlkirinê û lêborîna olî û neteweyî ya hemû pêkhateyan dimîne û bi hemû awayî parêzgeriyê li kultûrê pir rengî û yekrêziya li Kurdistanê dikîn.

Cejna Ekîto li hemûyan pîroz be, em hêvîdar in ku ev cejne, cejin û helkeftên bên jî, aramî û aştiyê bi xwe ra bînin û di rewşek baştir da pîroz bikin.

Hemû sala bi xweşî be û Xwedayê mezin hemû aliyan biparêze.

Nêçîrvan Barzanî
Serokê Herêma Kurdistanê
31.03.2022

Bersiv :

Nêrîna te
Nav: