Serokê Herêma Kurdistanê beşdarî merasima sondxwarina Serokê Komara Îslamî ya Îranê bû.

Êvariya îro Sêşemê li Tehranê Serok Nêçîrvan Barzanî ligel şandeke bilind beşdarî merasima sondxwarina Serokê Komara îslamî ya Îranê bû.

Şanda li gel Serok Nêçîrvan Barzanî ji Şêx Cefer Şêx Mistefa Cîgirê Serokê Herêma Kurdistanê, Rêbar Ehmed Wezîrê Navxwe û Fewzî Herîrî Serokê Dîwana Serokatiya Herêma Kurdistanê pêk tê, îro piştî nîvro li ser vexwandina fermî ya Komara Îslamî ya Îranê ji bo beşdarbûna merasimê gihîştin Tehranê.