Serokê Hamasê Îsmaîl Haniye li Tehranê hat kuştin
Serokê Buroya Siyasî ya Hamasê Îsmaîl Heniye di encama êrîşeke li Tehranê hate kuştin. Di daxuyaniya nivîskî ya Hamasê da hat destnîşankirin ku destê Îsraîlê di kuştina Haniye da heye û wiha hat gotin: “Di encama êrîşa îxanet a sîyonîstan a li mala xwe de jiyana xwe ji dest da.”
Tevgera Hemasê ragihand ku Serokê Mekteba Siyasî Îsmaîl Henîyye li Tehrana paytexta Îranê ku ji bo beşdarî merasima destnîşankirina serokê nû yê Îranê Mesûd Pezeşkiyan bû, di êrîşa Îsraîlê de li ser mala wî hat kuştin.
Hat ragihandin ku di êrîşê de cerdevanek Haniyeyê jî jiyana xwe ji dest daye.
Muhafizên Şoreşa Îranê jî di daxuyaniya xwe de piştrast kir ku Heniye tevî pasdarên xwe Wasim Ebû Şaban hatiye kuştin. Ajansa nûçeyan a Îranê Tasnîm ragihand ku lêkolîna derbarê kuştina Haniye de berdewam e û dê di demek nêzîk de encam bên ragihandin.
Endamê Mekteba Siyasî ya Tevgera Hemasê Mûsî Ebû Merzûq got: Kuştina fermandar Îsmaîl Heniye karekî tirsonek e û bê bersiv namîne.
Çapemeniya Îran û Filistînê di kêliya dawî de ev geşedan ragihandin. Hamas jî ev yek piştrast kir.
Di berteka yekem a Îsraîlê de, Wezîrê Mîrate yê hikûmeta rastgir a Benjamin Netanyahu, Amichai Eliyahu, li ser hesabê xwe yê platforma “X”ê nivîsî: “Ev riya rast e ji bo paqijkirina cîhanê ji vê qirêjiyê, Na. “Zêdetir peymanên aştiya sexte / teslîmbûnê, êdî rehm ji van mirovan re nabe.” “Destê hesinî yê ku dê li wan bixe, dê aştî û hinekî rehetiyê bîne, şiyana me ya ji bo bi aşitiyê bi kesên ku aştiyê dixwazin re xurt bike. “Mirina Haniyeyê wê dinyayê hinekî xweş bike.”
