Serokê Giştî yê PAKê li Kopenhagê li gel partîyên sîyasî yên Danîmarkayê civîya

 Serokê Giştî yê PAKê Mustafa Özçelik li gel endamên Komîteya Danîmarkayê ya PAKê Adnan Axacan, Selma Akar, Şoreş Kiliçarslan di rojên 28-29.01.2016ê li Kopenhag a paytextê Danîmarkayê li gel çar partîyên sîyasî yên Danîmarkayê hevdîtin pêk anî. Hemû hevdîtin li Parlamentoya Danîmarkayê pêkhatin.Hevdîtina yekem li gel parlamenterê Konservatîve Folkepartî ( Partîya Gel a Mûhafazakar) Naser Khader pêk hat. Naser Khader endamê komîsyona polîtîka derve ya Danîmarkayê û berpirsyarê polîtîka derve ya Konservatîve Folkepartîyê ye.Konservatîve Folkepartî partîyeke di parlamentoyê de cîh girtî ye.Hevdîtina duyem li gel parlamenterên Partîya Sosyal Demokrat ya Danîmarkayê pêk hat. Mette Gjerskov û Yildiz Akdoxan pêşewazîya heyeta PAKê kirin. Partîya Sosyal Demokrat partîya herî mezin ya di parlamentoyê de ye. Mette Gjerskov wezîra berê ya Zîraet û Xwarinê bû. Herweha Seroka Komîsyona Yekitîya Ewrûpayê ye û endama komîsyona polîtîkaya derveyî welat ya Partîya Sosyal Demokrat e. Yildiz Akdoxan endama komîsyona polîtîkaya derveyî welat ya Partîya Sosyal Demokrat e.Heyeta PAKê hevdîtina sêyem li gel parlamenterê Socialistisk Folkpartî(Partîya Sosyalîst a Gel) Holger K. Nîelsen pêk anî. Holger K. Nîelsen Wezîrê Derve yê berê yê Danîmarkayê bû. Endamêkomîsyona polîtîkaya derve ya Danîmarkayê û berpirsê polîtîkaya derve ya Socialistisk Folkpartîyê ye. Socialistisk Folkpartî di parlamentoya Danîmarkayê de cîh girtî ye.Hevdîtina çarem li gel Martin Lîdegaard ê parlamenterê Partîya Radîkale Venstre (Partîya Radîkal) pêk hat. Martin Lîdegaard Wezîrê Derve yê pêştîr yê Danîmarkayê bû. Martin Lîdegaard endamê komîsyona polîtîkaya derve ya Danîmarkayê û berpirsê polîtîkaya derve ya Partîya Radîkale Venstre ye. Partîya Radîkale Venstre di parlamentoya Danîmarkayê de cîhgirtî ye.Heyeta PAKê roja 29.01.2016ê li gel Michael Ziegler ê Serokê Şaredarîya bajarê Hoje Taastrup a Danîmarkayê hevdîtinek pêkanî.Serokê Giştî yê PAKê Mustafa Özçelik di van hevdîtinan de behsa armanc û xebat û bernameya PAKê kir. Herweha di derbarê rewşa herçar perçeyên Kurdistanê û çareserîya pirsa Kurd û Kurdistanê bîr û rayên PAKê pêşkêş kir. Di derbarê şerê li bakurê Kurdistanê didome, di derbarê trajedîya ku gelê me li navçeyên wek Cizîrê, Farqînê, Sûra Amedê û cîhên din de rû bi rû bûye malûmat da . Behsa kampanyaya PAKê ya ji bo gelê me yê Sûra Amedê kir. Mustafa Özçelik behsa rewşa Dewleta Federe ya Başûrê Kurdistanêjî kir. Piştgirîya xwe jibo xebata serxwebûna başûrê Kurdistanê bilêv kir. Bîr û rayên xwe di derbarê rewş û destkeftinên li rojavayê Kurdistanê û rewşa rojhilatê Kurdistanê de pêşkêş kir.Mustafa Özçelik herweha daxwaza piştgirîya doza azadîya gelê Kurdistanê kir,daxwaza piştgirîya alîkarîyên mirovî kir. Herweha jibo şer raweste û pêvajoyeke ku hemû partîyên Kurdan li bakurê Kurdistanê li gel garantorên navnetewî bibin mixatabê Dewleta Tirk destpêbibe, daxwaz kir ku hemû partî , sazî û Dewleta Danîmarkayêroleke aktîftîr bilihîzin.Di pêşdebirina têkilîyên navnetewî yên PAKê û danasîna doza azadîya Kurdistanê de hevdîtinên heyeta PAKê yên li gel sazî û partîyên Danîmarkî gelekî baş û berhemdar derbas bûn. 29.01.2016Buroya Çapemenî û Ragehandinê ya PAKê