Serok Nêçîrvan Barzanî pîrozbahiyê li Yekîtiya Niştimaniya Kurdistanê kir

Nêçîrvan Barzanî Serokê Herêma Kurdistanê li peywendiyeke telefoniyê da li gel birêzan Hevserokên Yekîtiya Niştimaniya Kurdistanê, li bîranîna 46 saliya damezrandina YNK da, bi germî pîrozbahiyê li wan bi xwe û li rêya wan jî li Encumena Bilinda Siyasî û Berjewendî û Mekteba Siyasî û Encumena Serkirdayetî û tevahiya kadîr û cemawer û alîgirên Yekîtiya Niştimaniya Kurdistanê kir û hêviya serkeftinê ji bo wan xwest.

Birêz Serokê Herêma Kurdistanê dûpat kir ku Yekîtiya Niştimaniya Kurdistanê wekî hêzekî siyasiya serekî ya Kurdistanê li dîroka xebat û têkoşîna azadî û pêkanîna destkeftên gelê Kurdistanê da xwediyê roleke diyare, îro jî yek ji wan aliyane xwediyê pêgehekî bihêz û serekîne li proseya siyasî û desthilatdariya li Herêma Kurdistan û Iraqê da.

Rêzdar rol û erk û berpirsiyariya Yekîtiya Niştimaniya Kurdistanê û tevahiya alî û pêkhatên wê ya bi navê tebayî û yekrêzî û pêkveyî û parastina maf û destkeftan û niha û paşeroja gelê Kurdistanê da bi girîng û pêwîst zanî. Her wiha li vê bîranînê de silav û rêz ji bo giyanê xwedê jêrazî Serok Mam Celal şand û dûpat kir ku bi rêz û rûmetê ve bi bîr tînin.

Ji aliyê xwe ve birêzan Hevserokên Yekîtiya Niştimaniya Kurdistanê spas û pêzanînên xwe û Yekîtiya Niştimaniya Kurdistanê ya ji bo peywendî û pîrozbahiya birêz Serokê Herêma Kurdistanê nîşan da û tekez li ser tebayî û yekrêzî û pêkveyî ya bi navê parastina maf û destkeftên gelê Kurdistanê da kir.

Nerîna min :