Serok Nêçîrvan Barzani peyama sersaxiyê ji konsul û nûnerên welatên Yekîtiya Ewropayê wergirt

27/03/2026

Serok Nêçîrvan Barzani peyama hevbeş ji Ofîsa Yekîtiya Ewropayê û Konsul û Nûnerên welatên Yekîtiya Ewropayê yên li Herêma Kurdistanê wergirt.

Wan sersaxiyên xwe yên kûr ji bo êrîşa mûşekî ya ku roja Sêşemê 24/3/2026 li ser devera Soranê pêk hat û di encamê de hejmarek Pêşmerge şehîd û birîndar bûn, anîn ziman.

Ofîsa Yekîtiya Ewropayê, Konsul û Nûnerên Yekîtiya Ewropayê sersaxiyên xwe yên kûr ji Serok Nêçîrvan Barzani û malbatên şeş Pêşmergeyên ku di êrîşê de jiyana xwe ji dest dan re gotin û ji birîndaran re başbûneke bilez xwestin.

Di peyama ku ji Serokwezîr Mesrûr Barzani û Cîgirê Serokwezîr Gubad Talabanî re hatiye şandin de, her wiha fikarên xwe yên kûr ji ber êrîşên li ser Herêma Kurdistanê yên di hefteyên dawî de hatine kirin, anîn ziman.

Di dawiya peyamê de, wan hevxemiya xwe bi Herêma Kurdistanê re diyar kirin û piştgiriya xwe ji bo aştî û aramiya li herêmê tekez kirin.

YEKÎTIYA EWROPAYÊ

Erbîl, 26ê Adarê 2026

B.R. Birêz Neçîrvan Barzanî
Serokê Herêma Kurdistanê ya Iraqê

CC:
B.R. Birêz Mesrûr Barzanî
Serokwezîrê Hikûmeta Herêma Kurdistanê

B.R. Birêz Qubad Talebanî
Cîgirê Serokwezîrê Hikûmeta Herêma Kurdistanê

Birêzê min ê hêja,

Em bi xemgîniyeke mezin agahdar bûn ji êrîşa mûşekê ya ku vê Sêşemê li herêma Soran pêk hat, piştî çend hefteyên êrîşên bê rawest ku bandor li Herêma Kurdistanê ya Iraqê kiriye.

Em dixwazin sersaxiyên xwe yên herî kûr ji bo şeş endamên Pêşmergeyên ku jiyana xwe ji dest dan, û ji bo gelek kesên ku di vê bûyera bi êş de birîndar bûne, pêşkêş bikin. Raman û piştgiriya me bi malbatên wan û kesên ku ew jê hez dikin re ne. Ji kerema xwe qebûl bikin,

Birêz Serok, peyama me ya dilpak a hevgirtinê bi Herêma Kurdistanê ya Iraqê û gelê wê re.