Nêçîrvan Barzanî Serokê Herêma Kurdistanê, pêşwaziya Bruno Antonio Balyozê Îtalya li Iraqê kir ku erkê wî bi dawî dibe.
Li hevdîtinê de birêz Balyozê Îtalya spasî Serok Nêçîrvan Barzanî û Herêma Kurdistanê kir ji bo wê piştgîriya di dema karkirina li Iraqê de lê hatiye kirin û ji bo paşerojê hêviya pêşxistina zêdetirê peywendiyên Herêma Kurdistanê li gel Îtalyayê da xwest.
Her wiha rêzdar pirse û sersaxiyê li Serok Nêçîrvan Barzanî kir ji bo wan Pêşmergeyên şeva derbasbûyî li rûbirûbûna li gel terorîstên Da’îş da li tixûbê Guleco şehîd bûn û hevxemiya xwe li gel malbat û kesukarên wan da derbirî.
Ji aliyê xwe ve Serok Nêçîrvan Barzanî, hêviya serkeftinê li erkê wî yê nû da xwest û spasî hewl û karên wî yên bi navê pêşvebirina peywendiyên Îtalya li gel Iraq û Herêma Kurdistanê da û piştgîrî û yarmetiyên Îtalya ya ji bo Herêma Kurdistanê kir.
Birêz Serokê Herêma Kurdistanê her wiha dûpat kir êrîşa şeva derbasbûyî ya Da’îş û şehîdbûna polek Pêşmergeyên qehremanên Kurdistanê, ewe nîşan dide ku Da’îş metirsiyeke rasteqîneye û divê bi alîkarî û hemahengiya hevbeşa Artêşa Iraq û Pêşmerge bi piştgîriya Hevpeymaniya Navdewletî, rûbirû bibîn.
Rewşa navxweya Herêma Kurdistanê û hewlên wan yên ji bo yekrêzî û tebayî ya li navbera aliyên siyasiyên Kurdistanê da, bi taybetî jî girîngiya yek helwestiya aliyên Kurdistanî li Bexda, rewş û pêşhatên navçeyê bi giştî, mijareke dinê hevdîtinê bûn.
