Serok Barzanî pêşwaziya şandeke bilinda Amerîkayê kir

 li Selaheddîn Serok Mesûd Barzanî pêşwaziya şandeke bilinda Amerîkayê kir ku ji birêz Brett McGurk Rêkxerê Koşka Spî yê Karubarê Asayîşa Rojhilata Navîn û Bakûrê Efrîqa û birêz Amos Hochstein Rêkxerê Taybetî yê Serokayetiyê yê Jêrxana Cîhanî û Asayîşa Uze û xanima Alina Romanowski Balyoza Amerîka li Iraq û hejmarek şêwirmendên Wezareta Derveya Amerîka pêkhatibûn.

Li hevdîtinê de rewşa siyasiya Iraq û peywendiyên di navbera Hewlêr û Bexda hate guftûgo kirin û tekez li ser pêwîstiya çareserkirina giriftên di navbera Hewlêr û Bexda û girîngiya rola Iraq û Herêma Kurdistanê ya li derbaskirina astengiyên li ber uze li asta cîhanî da kirin.

Rewşa Herêma Kurdistanê mijareke dinê vê civînê bû û têda Serok Barzanî wê yekê dûpat kir ku pêwîste îsal li Herêma Kurdistanê hilbijartineke pak û bêgerd birêve biçê û hîç hêcetek jî ji bo paşxistina hilbijartinê nayê qebûl kirin. Serok Barzanî eve jî xisterû ku xwazyarê eweye bi navê derbaskirina gefan û palpiştîkirina Hikûmeta Herêmê, civîn û hemahengiya di navbera aliyên siyasî berdewam bê. Di derbarê çaksaziyên hêzên Pêşmergeyên Kurdistanê jî Serok Barzanî piştevaniya xwe ji bo berdewamiya wan çaksaziyan dûpat kir.

Rewşa siyasiya navçeyê û gefên terorê mijareke dinê vê civînê bûn û şanda mîhvan tekez li ser girîngiya asayîş û aramiya li Iraq û Herêma Kurdistanê kirin.

Bersiv :

Nêrîna te
Nav: