Li Selaheddîn Serok Mesûd Barzanî pêşwaziya Mark Bryson Richardson Balyozê Brîtanya li Iraqê kir.
Li hevdîtinê de ku David Hunt Konsolê Brîtanya li Hewlêrê amade bû hengavên nav proseya siyasiya Iraqê û gef û astengiyên li ber pêkanîna hikûmeta nû ya Iraqê guftûgo kirin.
Her li vê hevdîtinê de ronahî xistin li ser biryarên Dadgeha Federaliya Iraqê û Serok Barzanî tekez li wê yekê kir ku pêgirîbûna bi destûr û guftûgo çareseriya girift û qeyranên Iraqe. Di derbarê rewşa siyasiya Herêmê û mafê pêkhatên Herêma Kurdistanê, Serok Barzanî pêgirîbûna xwe beranber parastina mafên hemû pêkhatên Herêma Kurdistanê dûpatkir.
Peywendiyên di navbera Herêma Kurdistan û Brîtanya mijareke dinê vê civînê bû û Balyozê Brîtanya li Iraqê pêgirîbûna welatê xwe bi encamên serdana Serokê Hikûmeta Herêmê ya Brîtanya û pêşxistina peywendiyên di navbera her du aliyan dûpatkir.
