Piştî serdana şanda Partiya Demokrat a Kurdistanê (PDK) bo Yekgirtûya Îslamî ya Kurdistanê û Komela Dadgerî ya Kurdistanê, biryar e PDK sibe serdana çend partiyên din jî bike, ji bo gotûbêjên li ser mijara hilbijartinên Parlamentoya Kurdistanê û çend mijarên din ên girîng.
Berpirsê Pêwendiyên Beşa Rewşenbîrî û Ragihandinêya Partiya Demokrat a Kurdistanê (PDK) Umer Bekir ji Kurdistan24ê re ragihand, sibe çarşemê şanda Partiya Demokrat a Kurdistanê (PDK), serdana Partiya Komunîst a Kurdistanê, Partiya Sosyalîst Demokrat a Kurdistanê, Partiya Zehmetkêşên Kurdistanê û Partiya Rencderên Kurdistanê dike.
Kargêrê Polîtburoyê Mehmûd Mihemed serokatiya şanda Partiya Demokrat a Kurdistanê (PDK) dike, serdana wan a yekem bo Partiya Komunîst a Kurdistanê dibe û piştre jî dê serdana Partiya Sosyalîst Demokrat a Kurdistanê bikin.
