Polîtîk

Seminerên Zinar li Zaningeha berdewamin

DU SEMÎNERÊN Zeynelabidin ZINAR

Nivîskar û lêkolîner Zeynelabidin Zinar li ser vexwendina Zanîngeha Mûşê Beşa Kurdî, du semîner li Mûşê dane. Çewa ku tê zanîn heftiya bihurî jî Zinar li Wanê pênc semîner û li Çewlikê (Bingol) jî semînerek û komferansek wî çêbûne.

 

SEMÎNER: 1

Roja 29ê mehê semînera Zeynelabidin Zinar li poleke mezin a zanîngeha Mûşê, çendî ku ji bo xwendekarên Beşa Kurdî bû, lê belê gelek xwendekarên Beşên dî jî beşdarî di semînerê de kirin.

Semînera pêşî saet 13.00 dest pê kir. Li dora 300 xwendekarî bi balkêşiyeke mezin guhdarî li axaftina Zeynelabidin Zinarî kirin. 

Zinar bi taybetî li ser van xalên li jêrê rawestiya:

          GIRINGIYA AXAFTIN Û NIVÎSANDINA BI ZIMANÊ KURDÎ

          GIRINGIYA XWENDINA NIVÎSÊN KURDI

          GIRINGIYA NIVÎSANDINA FENTEZIYAN BI ZIMANÊ KURDÎ

          GIRINGIYA RÊZGIRTINA LI HEYÎNÊN TOREYA KURDÎ

          DURBÛNA JI PEYVÊN TOREDERIYA KURDÎ

          GIRINGIYA XWENDIN Û NIVÎSANDINA  ROMANA KURDÎ

          GIRINGIYA BIKARANÎNA GOTINÊN WATEDAR ÊN KURDÎ

          DEWLEMENDIYA ZIMANÊ KURDÎ

          GIRINGIYA XWENDINA BERHEMÊN FOLKLORA KURDÎ

          PÊVAJOYA MEDRESEYA KURDÎ

          SÛDMENDIYA ZEWACA HEVCÛNÎ

Piştî axaftina Zeynelabidin Zinarî, xwendekarên zanîngehê gelek pirsên balkêş pirsîn û bersiva wan hate dayîn.

Semîner saet 15.30 bi coşeke mezin û di nava çepikan de bi dawî bû.

 

 

 

 

SEMÎNER: 2

Semênera duyemîn a Zeynelabidin Zinar jî li Komeleya Zehrayê saet 20.00 dest pê kir.

Beşdarên semînerê bi piranî xwendekarên zanîngeha Mûşê, hin mamosteyên xwendingehên cuda û zanayên olî bûn. Babetê ku Zinar pê rabû, pêşî danasîna naveroka pêvajoya Medreseya Kurdî a hezarsdale bû.

Diyar e ku Medrese cara pêşî sala 950 li Paytexta Kurdistanê ku wê demê Hemedan bû, hatiye avakirin. Piştre Kurdan medreseya xwe vegêrandine sîstema zanîngehê û li piraniya herêmên Kurdistanê belav bûye.

Ji wan medreseyan gelek zanayên navdar weke Baba Tahir Hemedanî, Smayil Cizîrî (Ebul Iz), Siltan Selahedîn Eyûbî, Mewlana Xalid Şarezorî û  bi hezaran kesên wisa heta bigîje seydayê nemir Mele Seîdê Kurdî, danasîna wan hatiye kirin. Bi taybetî jî xebata Mele Seîdê Kurdî di serê Sedsala Bîstîde û dîlbûna wî ji aliyê leşkerên Çar ve, herweha avêtina wî di tîmarxaneyê de ji aliyê siltanê Stembolê ve, bi berfirehî hatine pêşkêşkirin.

Semîner piştî bersiva hin pirsên guhdaran, saet 21.30 bi dawî bû.

Rojeva Kurd/Mûş

 

 

 

 

 

 

 

 

Back to top button