Sembola serxwebûnê
Ji Raya Giştî ya Kurdistanê re
Her netewek ku berî bibe dewlet, di têkoşîna xwe yê dewletbûnê de bi nirxwen xwe yên netewî xwe bi cihanê daye nasîn û her netewek bi nirxên xwe yên netewî têkoşîna xwe bi encam kirîye. Piştî bi serketinê jî ew sembol bûne nişana serxwebûna wan dewletan.
Al, ji wan sembolan yê serekeye û ji bo netewan teva sembola yekîtî û serxwebûnê ye.
Di dîroka me Kurda de jî cihê Ala Rengîn girîng e.
Qazî Mihemed û Mistefa Barzanî
Berî 67 sala di 17ê vê mehê de, Pêşewa Qazî Mihemed Ala Rengîn emanetî Nemir Mele Mistefa kir û jê re got: “Ev sembola Kurdistanê ye. Ez vê emanetî te dikim. Ji ber ku li gor min kesê ku Alê herî baş biparêze tu yî.”
Salek berê , parlamena Kurdistanê vê rojê wek “Roja Ala Kurdistanê” dîyar kir.
Em di vê roja dîrokî de, Pêşewa Qazî Mihemed û Nemir Mele Mistefa bi rêzdarî bi bîr tînin û dîyar dikin ku emê tu carî hêvîyên wan neşkînin û her tim Ala Rengîn bi serbilindî biparêzin.
Daxwaza me ji hemû alîyên Kurda eve ku di vê rojê de li balkon û paceyên malên xwe bi taybetî jî li yên sazîyên xwe Ala Kurdistanê daliqînin.
Tevegra Ciwanên Kurdistanê