Sal 2010: 105 rojnemevan hatin kuştin

Rêxistina lêkolîna li ser rojnamevanan li cîhanê (PEC) di raporta xwe ya sala 2010-ê de, da kifşkirin ku hêjî  jiyana rojnamevanan li gelek welatên cîhanê di metirsiyê de ye û di sala 2010-ê de 105 rojnamevan di bûyerên cuda de jiyana ji dest dane.

Rêxistina pirês emblem kampanî ya li cenevê di malpera xwe da encama vekolîna xwe ya li ser rewşa jiyana rojnamevanan wek raportekî belav kiriye û di raportê da dihête xûya kirin ku kuştin û girtina rojnamevanan li piraniya welatên cîhanê hêjî berdewame û di nava sala 2010 de, 105 rojnamevan hatine kuştinê û hejmareka zêde rojnamevan jî li ser karên xwe hatine girtin û gefên li ser jiyana rojnamevanan bi dijwarî berdewam dike.

Di beşekî dî yê raportê de hatiye ku niha rewşa rojnamevanan li welatên Asya, Emirîka Latînî û Afrîqa pir xirabe û li welatên wek Pakistanê, Afxanstanê û Îraqê rewşeka aram bo rojnamevanan nehatiye peyda kirin û di binpêkirina mafên rojnamevanan û kuştina wan da welatên Meksîka, Pakistanê, Honduras û Îraq di rêzên destpêkê da dihên û her weha li Pakistan û Afxanstanê jî rojnamevan nikarin bi asayî karên xwe encam bidin

Li gor raporta (PEC) di nava sala 2010 de li 33 welatên cîhanê rojnamevan hatine kuştin û li 70 welatan jî rojnamevan ji ber encam dana karên xwe yên rojnamevaniyê hatine girtin  û li dadgehên wan welatan dihêne dadgehî kirin.

Dîsan li gor raportê qanunên dewletan mafên rojnamevanan naparêzin û her dem metirsiya gef xwarinê û girtinê li rojnamevanan berdewame û ji karên rojnamevanan ditirsin. Dîsa hatiye ragehandin ku li sala 2009-ê, 122 rojnamevan li welatên cuda cuda yên cîhanê hatibûn kuştin.

Li aliyê din rêxistina rojnamevanên bê sinur jî diyar kiriye ku rewşa rojnamevan li welatên Tirkiya, Suriya û Îranê jî ya ku dihête zanîn pir xirabtire û li Îran û Sûriya ji bilî daxwazên desthelatê rojnamevan nikarin bi azadî karên xwe encam bidin û yên ku wê yekê qebul naken jî bi rengekî veşartî têne ji nav birin û girtinê, li Tirkiya jî bi taybetî rojnamevanên li dijî hikûmeta ku siyaseta dewlet û hikûmeta Tirkiya qebûl naken û rexne dikin, tên girtin û îşkence kirin. Taybetî jî li ser rojnamevanên kurd zordariyeka berçav dihête dîtin û dihête ragehandin ku di nava sala 2010- de, 11 rojnameyên rojane û govar hatine daxistin û berpirs û endamên wan li dadgehên Tirkiya hatine dadgehîkirin û sizadan.

 

Amadekirin:Sercan Mahmud/ Evro

Nerîna min :