Pirtûkeka şehîd Firenso Herîrî ya li ser derew û buxtanên PKKê li dijî PDK û Herêma Kurdistanê ji Soranî bo Kurmancî hat wergerandin. Mutercimê pirtûkê dibêje, ji bo ku xelkê Bakur rastiya PKKê bizanine, min ew pirtûk wergerand Kurmancî.
Şehîdê serkirde Firenso Herîrî sala 2000 pirtûkek bi navê “PKK Çima Wisa Dike?” belav kiribû. Pirtûka wî bi Soranî hatibû çapkirin.
Lê nivîskar Dilovan Elî ew pirtûk wergerand Kurmancî.
Li ser vê mijarê, Dilovan Elî ji BasNewsê re got, ew pirtûk zincîre nivîsên şehîd Firenso Herîrî ne ku di rojnameya Birayetî de hatibûn belavkirin, paşê wek pirûtk hatibû çapkirin. Min ew wergerand Kurmancî.
Dilovan Elî her wiha got, armanca min ji wergerandina wê pirtûkê ew e ku xelkê Başûr bi taybet xelkê Bakur rastiya PKKê bizanin û bibînin PKK çawa û çima zarokên wan dixapîne û dide kuştin.
Dilovan Elî li ser naveroka pirtûkê jî got, di pirtûkê de Firenso Herîrî bersiva derew û buxtanên PKKê bi taybet Cemîl Bayik li ser PDK û Herêma Kurdistanê dide û bi belge îsbat dike ku PKK ji aliyê dezgehên îstixbaratan ve li dijî Herêma Kurdistanê tê bikaranîn.
Bi gotina Dilovan Elî, PKK rêxistineka Tirkiyê ye û ti pêwendiya wê bi Herêma Kurdistanê ve nîne. Ew bi xwe jî vê yekê dibêjin.
