Pirtûka Bîn Ladîn Amerîka tevlihev kir

 

Serokê El Qaîdeyê Usame Bîn Ladîn, 1ê Gulana 2011 an de, ji aliyê qomandoyên yekîneya taybet a Amerîkayê “Navy Seal” ve li Pakistanê li bajarê Abbottabadê li mala xwe hatibû kuştin. Di derbarê şêweya kuştina Bîn Ladîn û termê wî berdana okyanûsê de gellek spekulasyon hatin kirin. 

Ancax niha li Amerîkayê, ku ji hilbijartina serokdewletê Amerîkayê re 2 meh mane,  pirtûkeke ku ji aliyê leşkerekî di kuştina operasyona Bîn Ladîn de cih girtiye û yê ku herî dawî Bîn Ladîn zindî dîtiye, li Amerîkayê deng da û tevlihevkir. 

Leşkerê ku sala borî ji “Navy Sealê” malnîş bû, pirtûka bi navê “No Easy Day” nivîsandiye û wê ji aliyê weşanxana Duttonê ve, 11ê Îlonê derkeve Leşkerê ku pirtûk nivîsandiye, ji ber ewlehiya xwe navê xwe vedişêre û bi navê Mark Owen pirtûk dike derkeve. Tê diyar kirin ku, wî leşkerî

ji demên dawî yên Usame Bîn Ladîn re govanî kiriye û mirina wî dîtiye. Ji aliyê Pentagon û CIA’yê ve hatiye daxuyandin ku, haja wan ji pirtûkê tineye û ti kesan ew agahdar nekirine.

Weşanxaneya ku dike pirtûkê çap bike jî, daxuyanî daye çapemeniyê û îfade kiriye ku, di dîroka Amerîka a leşkerî de operasyona herî girîng a Bîn Ladîn, wê rastiya bûyerê ji devê leşkerê ku li wir bûye bigrin. 

Filma ku dike têketa vîzyonê a ku kuştina Usame Bîn Ladîn ji xwe re kiribû mijar jî, li ser bertekên Partiya Komarparêzan hatibû taloxkirin. Fîlm wê piştî hilbijartinan, di meha kanûnê de têkeve vîzyonê.  

      

 

Nerîna min :