Pirtûk: Serhildana Eşîra Jêlî
PIRTÛKA SERHILDANÊ Pirtûkeke hêja li ser Serhildana Eşîra Jêlî, cara duyem e ku tê weşandin.Nivîskar û lêkolîner Zeynelabidin Zinar pirtûkê li ser serhildana Êşîra Jêlî ya di 1929an de nivîsiye.Pirtûk bi berfirehî behsa serhildana Jêliyan kiriye, herweha hinek kesayetên salxur ên ji Eşîrê jî, serpihatiya serhildanê bi awayekî zindî gotine ku wê demê ew bi xwe dîdevan bûne û tê de beşdarî jî kirine.Nivîskar dema dest bi nivîsandina serhildanê kiriye, li hin gundên eşîrê geriyaye, bi xelkê herêmê re hevdîtin kirine, herweha hevdîtin bi hin kesayetên malbata serokê Serhildanê re jî pêkanîne.Nivîskar di pirtûkê de cih daye hin belge û dokumanên Frensî, tirkî, erebî û kurdî jî, jêderk û naveroka wan bi awayekî zelal nivîsiye.
Herweha nivîskarî di encama lêkolîna xwe de behsa rastiya vê bûyera dîrokî jî kiriye ku ew di pirtûkên Sererkaniya Tirkiyê de bi awayek ne rast hatine şirovekirin.Lê va ye piştî 87 salan rastiya Serhildanê bi vê pirtûkê derketiye holê û hêja ye ku her kesê xwedîwijdan pirtûkê bixwîne û dek û dolabên Kemalîzmê ku bi navê ”demokrasî” û ”komarî”yê li Kurdan kiriye rind fêm bike.Ev pirtûka 260 rûpelî ji aliyê PENCÎNAR WeşanÇanda Kurdî ve li Stockhkolmê hatiye weşandin, bi kalîteyeke ciwan û spehî derketiye, li ser bergê wê jî wêneyê herêma Serhildanê heye. Bi hêviya zelalkirina hemû rûdan û serhildanên ku heta niha di tariya dîrokê de mane, herweha li pirtûkxaneya Kurdistanê jî pîroz be. 25/ 03/ 2016Rojeva Kurd/Stockholm
