Hêzên Pêşmerge beriya 2 rojan dest bi operasyoneke mezin û berfireh li dijî terorîstên DAI Şê kirin, ku bi mezintirîn operasyon tê zanîn. Ew jî bi serperiştiya rasterast a Serok Barzanî birêve diçe.
Pêşmerge serkeftin li pişt serkeftinê bi dest dixe û welatiyên kurdên êzîdî dilxweş in û ji ber wê yekê jî kêf û xweşiyê dikin û spasiya Serok Barzanî dikin ku cejna wan kir du cejin.
Nivîskar û rojnamevan û kesayetiya rewşenbîrê êzîdî Xidir Xelat ji KDP.info re ragihand ku, serkeftinên Hêzên li sînorê Şingalê cihê şanaziyê ye û rêzgirtinê ye bo hemû gelê Kurdistanê bi giştî û êzîdî bi taybetî, Hêzên Pêşmerge jî piştrast kirin ku hêzên dilxweşker in û ji nav gelê kurd derketine.
Aştî Koçer Fermandarê Hêzên Pêşmerge li Şingalê ji KDP.info re ragihand ku, “Niha gellek cihên setratejîk ên Şingalê hatine kontrolkirin û eger şev nehatiba niha Şingal bi temamî ketibû destê Hêzên Pêşmerge de, ji ber ku nîvê navçeya Şingalê ji aliyê terorîstan ve hatiye bobekiirin.”
Koçer wiha got: “Ji Zûmarê heta Şingalê hatiye azadkirin û DAIŞ bergirî nekiriye û tenê li nav Şingalê hinekî li ber xwe dan, lê bi giştî nema karin bergiriyê bikin û morale wan têk çûye.”
Wî fermandarê Pêşmerge wiha domand: “Ji bilî Hêzên Pêşmerge ti hêzekî din di wê operasyonê de beşdar nebûne û hêzên YPGê û PKKê jî çend komên wan ên biçûk li wir hene û bi hejmarek pirr kêm carna ligel Pêşmerge tevlî şer dibin. Hêzên Pêşmerge di bin ala Kurdistanê di wê operasyonê de beşdar bûne.”
