Nêlçîrvan Barzanî serokwezîrê Kurdistanê, bi amadebûna cîgirê xwe Îmad Ehmed, digel konseya bala ya berhemanînê civiya.
Di civînê de çend biryarên giring yên taybet bi warê sermayerazandinê û ew warên herêma Kurdistanê di dereceya yekem de hilbirînê tê de dike, dan û pirojeyên berhemînanê ku nuha li herêma Kurdistanê di qonaxa cîbicîkirinê de ne nirxandin û ji bo baştir birêveçûna karên wan pirojeyên çend tewsiye ji civînê derketin.
Di civînê de komîteyek taybet hat pêkanîn ku, ew komîteya ji bo tapokirina pirojeyên tên cibicîkirin, pîvan û pênaseyan destnîşan bike û ew pirojeyên dikevin di çarçoveya wan pênase û pîvanan de bên destnnîşan kirin û ji bo konseya bala ya sermayerazandinê bên hinartin û bên tapokirin.
Di civînê de serokwezîrê Kurdistanê behsa pirojeyên herêma Kurdistanê kir û got:
– Tevî hebûna kêmasiyan jî, lê em bi paşerojê geşbîni in. Me bawerîyeke mokim bi pêşkeftina herêma Kurdistanê heye û pêşkeftinên mezintir jî dê li herêma Kurdistanê çê bin.
– Encamdana pirojeyên mezin li herêma Kurdistanê karekî gelek baş e, lê li gor mezinahiya pirojeyî divê giringî bi warê xizmetgozarî û paqijiyê jî bê dan.
Konseya bala ya învestkariyê biryar da ku, budceyeke taybet bo amadekirina masterpilana herêma Kurdistanê bê dabînkirin.
