Li Hewlêr serokê Partiya Demokrata Kurdista a Suriye Siud Melle û endamê mekteba siyasî Kamîran Haco serdana PAKê kirin û li gel serokê PAKê Mustafa Ozçelik hevdîtinek pêkanîn. Di vê derbarê de, Buroya Çapemenî û Ragehandinê ya PAKê daxûyaniyek belav kir.
DAXÛYANÎ:
Heyeteke PDK-Sê Li Hewlêrê Seredana PAKê Kir
Heyeteke PDK-Sê(Partîya Demokrat a Kurdistanê-Sûrîye) ku ji Serokê PDK-ê Birêz Siûd Mela û endamê Polît Buroya PDK-Sê Birêz Kamîran Haco pêk hatî , roja 21.02.2022ê li Hewlêrê seredana PAKê kir.
Serokê Giştî yê PAKê Birêz Mustafa Özçelîk û Cîhgirê Serokê Giştî yê PAKê , Berpirsyarê Başûrê Kurdistanê yê PAKê Birêz Orhan Kaya pêşewazîya heyeta PDK-Syê kirin.
Serokê Giştî yê PAKê Birêz Mustafa Özçelîk, bixêrhatina heyeta PDK-Syê kir û ji bo vê seredanê spasîya xwe pêşkêş kir.
Heyeta PDK-Syê ji bo vê pêşewazîyê spasîya heyeta PAKê kir.
Di seredana heyeta PDK-Syê(Partîya Demokrat a Kurdistanê-Sûrîye) ya ji bo PAKê(Partîya Azadîya Kurdistanê) de, herdu alîyan di derbarê rewşa her çar perçeyên Kurdistanê û bi taybetî rewşa Rojava û Bakurê Kurdistanê , herêmê û cîhanê de agahdarî dan hev, bîr û rayên xwe anîn ziman. Herweha ji bo hîna zêdetir pêşdebirina peywendîyên herdu partîyan, heyetên PDK-Syê û PAKê daxwaz û hêvîyên xwe pêşkêş kirin.
Hevdîtina heyeta PDK-Syê û PAKê di atmosfereke erênî , dostane û germ de derbas bû. Herdu alîyan girîngîya berdewamîya van peywendîyan anîn ziman.
22.02.2022
Buroya Çapemenî û Ragehandinê ya PAKê
