Hilbijartin li gelê Kurdistanê pîroz binLi Kurdistana Başûr hilbijartinên parlementoya Kurdistanê bi dawî hat. Rêjeya tevlîbûna dengdanê li gora mercên Kurdistanê kêm bû. Ji % 59 bû. Bê guman sedemên vê yekê hene , beşek ji van sedeman teknîkî bûn, bi gelek deveran bi hezaran kes çûn ser sendoqan û ji bo kêmasiya hinek belgeyan nekarîn dengê xwe bidin û şûnve vegeriyan. Vî yekê rijeya tevlîbûna dengdanê kêm kêr.Wek din dibe ku aliyê siyasî de jî bê hêviyek ji xelkê Kurdistanê re pêyda bibe . Ji ber ku di rastiya xwe de ji hilbijartinên ji berî niha hetta wek îro Kurdistan pêvajoyên gelek dijwar re derbas bû. Ji şerê dijê DAÎŞê , referanduma serxwebûnê, êrîşên Artêşa Iraqê û Heşda Şeibî, dorpêça li ser Kurdistanê , Xiyaneta 16ê Oktoberê û kriza darayî. Evqas bûyer di pêjoyekî de hatin jiyandin û Kurdistanê cardin karî xwe bighînê hilbijartinên 30 Îlonê.Ji aliyek din YNKê li deverên di bin desthilatdariya xwe de gelek vekirî sextekariyên mezin kirin,lê li gel hemû leyiztik û sextekariyan cardin gavek pêşve neçû û tenê berevajiya hilbijartinên ji berî niha ji rêza sêyem bû rêza duyem. Yani bi awayek din serketina YNKê li himber Goran e.Xalek din herî girîng ewe ku, PDKê li Silêmanî û Helebçe û henek deverên din girêdayî Silêmaniyê, li himber hemû cureyên sextekariyê dengên xwe zêde kirine. Ji xwe dema PDK li van herêman xebata pêwist bike û bikaribe serdestiya partiyên li herêmê denga distînin bişkine dê Kurdistan ber bi pêvajoyek rastir ya demokrasiyê ve herê.PDK cardin di van hilbijartinan de baweriya gelê Kurdistanê girt û bû partiya yekem. Dil dixwest rêjeya dengên PDKê bilindtir bûya. PDK serkeftin destve anî, lê ne bes e. Ji ber ku pêwistiya xelkê Kurdistanê bi PDKê û serok Barzani heye.Hêvî ewe ku pêjoya damezirandina hukumeta Kurdistanê de PDK qonaxên ji berî niha berçavre derbas bike, siyaseteke nûjen li gora mercên qonaxa nû rêve bibe û cardin bibe bersiva daxwaziya gelê Kurdistanê.Hilbijartin li gelê Kurdistanê pîroz be.Nûçe/ analîz
