Fuad Husên da xûyakirin ku, dîhtimal heye berbijêrê YNKê yê serokomariya Iraqê Berhem Salih xwe vekişîne.Berbijêrê PDKê Fuad Husên ji radyoya Dengê Amerîka (VOA) re daxûyakirin , berbijêriya min ji aliyê Serok Barzanî ve vê yekê nîşan dide ku divê serokomarê Iraqê kesekî bê alî be û bikaribe bi hemû gelên Iraqê re bide û bistîne. Ez ji bona vê baweriyê spasiya Serok Barzanî dikim.Fuad Husên her wiha gotiye, PDK û Barzanî dixwazin kandîdê kurdan di nav firaksyonên Kurdistanî de were destnîşankirin û paşê bikeve dengdana parlamentoya Iraqê. Çi bi rêya firaksyonên Kurdistanî be çi jî bi rêya parlamentoya Iraqê be, ezê her bi ser bikevim û bibim serokomarê Iraqê.Kandîdê PDKê daye zanîn ku îhtimal heye kandîdê YNKê Berhem Salih xwe vekişîne û gotiye, ez hêvîdar im ev nûçe rast be û kandîdê YNKê xwe vekişîne. Wê çaxê em û YNK dikarin li hev bikin.Fuad Husên ew îdia jî red kiriye ku tê gotin PDKê li hember posta parêzgariya Kerkûkê, razî bibe ku kandîdê YNKê bibe serokomarê Iraqê!
