Partîya Welatparêzên Kurdistanê li Amedê Roja Alaya Kurdistanê Pîroz Kir
Partîya Welatparêzên Kurdistanê (PWK), roja 17.12.2023yê li Teşkîlta Amedê ya PWKyê Roja Alaya Kurdistanê pîroz kir û di vê derbarê de semînerek li dar xist.
Li gel rêvebir û endamên PWKyê gelek sîyasetmedar û rewşenbîrên Kurd jî beşdarî pîrozbahîya Roja Alaya Kurdistanê bûn.
Pîrozbahîya Roja Alaya Kurdistanê bi rêzgirtina ji bo şehîdên Kurdistanê destpê bû.
Paşê Cîhgirê Serokê Giştî yê PWKyê Mehmet Can Azbay daxuyanîya PWKyê ya di derbarê Roja Alaya Kurdistanê de xwend.
Piştî axaftina M.Can Azbay Lêkolîner û Nivîskare Kurd Seîd Veroj di derbarê dîroka amade kirin, pesind kirin û wateya Alaya Kurdistanê ya dîrokî û neteweyî de semînerek da.
Di beşa duyem a semînerê de, Seîd veroj bersîva pirsên beşdaran da û beşdaran jî di derbarê girîngîya Alaya Kurdistanê de bîr û bawerî û hestên xwe anîn zimên.
Sîyasetmedar û rewşenbîrê Kurd Îbrahîm Guçlu jî di derbarê rewşa yasayî ya Alaya Kurdistanê de agahdarî da û bîr û rayên xwe anî zimên.
Pîrozbahîya Roja Alaya Kurdistanê ya li Teşkîlta Amedê ya PWKyê di atmosfereke hestyar, berhemdar û Kurdistanî de derbas bû.
Partîya Welatparêzên Kurdistanê (PWK) Li Mêrdînê û Li Amedê Li Kolanan Roja Alaya Kurdistanê Pîroz Kir, Alaya Kurdistanê Dîyarîyî Gel Kir
Partîya Welatparêzên Kurdistanê (PWK) roja 17.12.2023yê li Qada Azadîyê ya Navçeya Qoser a Mêrdînê û li Fûara Pirtûkan a Amedê Roja Alaya Kurdistanê pîroz kir, Alayên Kurdistanê dîyarîyî gelê me kir.
Li Qoserê Li Qada Azadîyê Ji Bo Roja Alaya Kurdistanê Pîrozbahîya PWKyê
Endamên Teşkîlata Mêrdînê ya PWKyê, roja 17.12.2023yê li Qada Azadîyê ya Qoserê bi Alayên Kurdistanê kom bûn.
Cîhgirê Serokê Giştî yê PWKyê Bedran Acar daxuyanîya PWKyê ya di derbarê Roja Alaya Kurdistanê de xwend.
Gelê Qoserê pêşewazîyeke germ li vê çalakîya PWKyê kir, piştgirî dan çalakîyê.
Gelek ciwanên Kurd piştî çalakîyê hatin avahîya Teşkîlata Mêrdînê ya PWKyê , memnûnîyetên xwe anîn zimên û daxwaza Alaya Kurdistanê kirin.
Li Fûara Pirtûkan ya Amedê Ji Bo Roja Alaya Kurdistanê Pîrozbahîya PWKyê
Teşkîlata Amedê ya Partîya Welatparêzên Kurdistanê (PWK) , roja 17.12.2023yê, li Fûara Pirtûkan ya Amedê Alayên Kurdistanê li gelê me û li weşanxaneyên ku beşdarî fûarê bûbûn kir.
Gelê Amedê û weşanxaneyan bi germî pêşewazîya vê çalakîya PWKyê û Alayên Kurdistanê kirin.
PWKyê Fûara Pirtûkan a Amedê bi Alayên Kurdistanê xemiland.
Piştî vê çalakîya PWKyê, polîsên Emnîyeta Diyarbekirê xwestin Alayên Kurdistanê yênku PWKyê dîyarîyî gel kiribûn berhev bikin, lê bi serneketin.
Buroya Ragehandinê ya Partîya Welatparêzên Kurdistanê (PWK)
