Destpêka sala 2018an Serokwezîrê Herêma Kurdistanê Nêçîrvan Barzanî dest bi hewldanên xwe yên diplomatîk kir bo asayîkirina peywendiyên Herêma Kurdistanê ligel welatên cîran û zêdetir bihêzkirina peywendiyan ligel welatên din û heman salê serdana hejmarek welat kir.
Meha Çile ya 2018ê bo Nêçîrvan Barzanî meheke tejî civîn û tevgera diplomatîk bû, tenê di wê mehê de ligel serok, serokwezîr û rayedarên payebilind ên zêdeyî 20 welatan civiya.
Roja 12ê Çileya 2018an Nêçîrvan Barzanî ligel Papa Francis civiya, Papa spasiya hikûmet û xelkê Kurdistanê kir ji bo wê mazûvaniya ku li koçberan bi taybetî koçberên Xirîstiyan kirine.
Roja 21ê Çileya 2018an yekem car piştî referandûma serxwebûna Kurdistanê û girtina sînorên Îranê li ber Herêma Kurdistanê, Serokwezîrê Herêma Kurdistanê gehişte Tehranê û ligel Serokomarê Îranê û berpirsên payebilind ên wî welatî civiya.
Roja 23ê Çileya 2018ê Nêçîrvan Barzanî bo beşdarbûna Foruma Davosê gehişte Davosê û di çarçoveya forumê de hejmarek hevdîtin ligel serok û serkirdeyên welatan kirin û ligel wan serok û berpirsan civiya:
Şah Ebdullahê Duyem, Şahê Urdinê
Karen Karapetyan, Serokwezîrê Ermenîstanê
Heyder Ebadî, Serokwezîrê Berê yê Iraqê
Jeffrey Feltman, Cîgirê Sekreterê Giştî yê Neteweyên Yekbûyî
Raşid El-Xenûşî Serokê Partiya Nehze ya Tunisî
Iseballa Lovin, Cîgira Serokwezîrê Swêdê
Jean-Yves Le Drian, Wezîrê Derve yê Fransayê
Rex Tillerson, Wezîrê Derve yê Amerîkayê yê berê
Geert Bourgeois Serokwezîrê Herêma Flanders a Belçîkayê
Mark Rutte, Serokwezîrê Holandayê
Ursula von der Leyen, Wezîra Berevaniyê ya Almanyayê
Kentaro Sonoura, Şêwirmendê Serokwezîrê Japonyayê
Piştre 9ê Gulana 2018ê Nêçîrvan Barzanî gehişte Moskowa paytexta Rûsyayê û ligel Serokê Rûsyayê Vladimir Putin civiya. Di civînê de Serokê Rûsyayê piştîvaniya welatê xwe di warê civakî, aborî û petrolê de bo Herêma Kurdistanê anî ziman.
Li ser vexwendina fermî ya Serokomarê Tirkiyê Recep Tayyip Erdogan roja 09.07.2018 Serokwezîrê Herêma Kurdistanê Nêçîrvan Barzanî gehişte Enqerê û ligel Recep Tayyip Erdogan civiya û peywendiyên navbera Herêma Kurdistanê û Tirkiyê gotûbêj kirin.
Roja 10.07.2018ê Nêçîrvan Barzanî serdana Holandayê kir û ligel Serokwezîrê Holandayê Mark Rutte civiya.
Herwiha her sala 2018ê Serokwezîrê Herêma Kurdistanê bi armanca rêkxistina peywendiyên Iraq û Herêma Kurdistanê û çareserkirina pirsgirêkên navbera wan çend caran serdana Bexdayê kir û ligel Serokwezîrê Iraqê, berpirsên hizbî û hikûmî civiya.
Rûdaw
