Li Zaxo Îran hate şermezarkirin
Li bajarê Zaxoyê bi beşdariya hemwelatiyên ji hemû pêkhateyan xwepêşandanek mezin li dijî êrîşa Hewlêrê ji aliyê Pasdarên Îranê hat lidarxistin.
Beşdarên çalakiyê pankartên “Hûn dikarin me bikujin lê hûn nikarin me teslîm bigirin”, “Kuştina jin û zarokan ne tiştekî şanaziyê ye” û “Xwedê ji hemû zaliman bi hêztir e” vekirin.
Rêveberê Rêveberiya Serbixwe ya Zaxoyê Guhdar Şexo di daxuyaniya xwe de ragihand: “Xelkê Zaxoyê dixwazin peyamê bidin cîhanê ku em miletekî aram in û aştiyê dixwazin. “Êrîşa li ser welatiyên Hewlêrê êrîşeke terorîstî ye.”
Guhdar Şexo diyar kir ku nûnerê gelê Zaxoyê ku di xwepêşandanê de axivî, peyamek ji nûnerê Neteweyên Yekbûyî (NY), hikûmeta Iraqê û cîhanê re şand.
Xiristiyan û Kurd jî beşdarî xwepêşandanên Zaxo bûn.
Roja 15ê Çile li Hewlêrê ji aliyê Artêşa Pasdarên Şoreşê ve 5 fûze avêtin ser mala karsazê Kurd Pêşrew Dizayî.
Di encama êrîşan de 4 welatiyên sivîl ku di nav wan de karsazê Kurd Pêşraw Dizayî û keçeke sal û nîvek jî hebûn jiyana xwe ji dest dan û 16 sivîl jî birîndar bûn ku rewşa hinek ji wan giran e.
