Li Swêdê Komîteya piştgiriya Demirbaş ava bû

Dûhî Kurd, Asurî Suryanî û Turk ji bo rewşa nexweşiya şaredarê SUR ê Abdullah Demirbaş li Stockholmê civiyan. Civîn li Navenda Çandî ya Asuriyan li Hallundayê pêk hat û Abdullah Demirbaş bi telefonê beşdarê civînê bû.

Di civînînê de li ser rewşa siheta Demirbaş hate axaftin û pirs wisa hate şirovekirin: Di dema girtin û hiştina di hepsê de nexweşiya wî lê giran bûbû. Niha rewşa wî girantir bûye û divê ji bo tedawiyê derkeve derveyî welêt. Lê dadgeha giran ya 4 an biryara qedexeya derketina wî ya derve daye. Divê serokomar, serokwezîr û anjî wezîrê edaletê îcazê bide ku ew derkeve derve.

Şaredar Demirbaş bi telefonê beşdarî civînê bû û spasiyên xwe gihand beşdaran, bi taybetî Suryaniyan ji bo helwesta wan ya mirovahî û biratiyê.
Di dawiya Civînê de Komîteya piştgiriya Demirbaş hate avakirin. Nivîskar Jan-Ber Sawocê, lêkolînêr Kenan Kerîmo, rojnamevan Murat Kuseyri û rojnamevan Gabar Çiyan di komîtê de cî girtin. Komîte dê pirsê bibe parlamantoya Swêdê, belediya û dezgehên din. Her wisa gav bi gav dê bihêne roja welatên Yekîtiya Ewropayê.