Li Qeyseriyê agir berdan mala Netanyahu, polîs lêkolînê dike

Radyoya Artêşa Îsrail ragihand ku şeva Şemiyê li Qeyseriyê agir bi mala serokwezîr Benjamin Netanyahu hat xistin.

Di bûyerê de ti ziyanên canî çênebûne û polîsan derbarê bûyerê de lêpirsîn dane destpêkirin.

KAN ragihand ku di dema bûyerê de kesek ji malbata Netanyahu li malê nebû.

Serokê Partiya Yekîtiya Neteweyî Benny Gantz di peyama xwe ya li ser Xê de wiha got, “Tirandina fîşekên li ser mala Serokwezîr gelekî cidî ye û ez vê yekê bi tundî şermezar dikim. Ez bawer im ku Şîn Bet û Polîsê Îsraîlê dê sûcdaran bibînin , û ez bang li wan dikim ku wan derxînin pêşberî edaletê.”

Serokê muxalefetê Yaîr Lapîd ev bûyer şermezar kir û got, “Ez hêvî dikim ku polîs sûcdaran bibîne û wan derxîne pêşberî edaletê.”

Serokê Îsraîlî Îshaq Herzog jî bi lez û bez bûyer şermezar kir û got ku “Bi serokê Şîn Betê re axivî û diyar kir ku pêwîst e di zûtirîn dem de lêkolîn bê kirin û bi berpirsyarên bûyerê re bên kirin.”

“Rêveberê Şîn Betê tekez kir ku ev zêdebûneke metirsîdar e û da zanîn ku lêkolîn ji aliyê Şîn Bet û polîsan ve bi cidiyeta herî mezin tê kirin.”

Alîkarê Serokwezîr û Wezîrê Dadê Yariv Levin got: “Dem hatiye ku em piştgiriyek tam ji bo vegerandina pergala dadwerî û pergalên bicihanîna yasayê bidin.”

“Ji bo fêmkirina cidiyeta tundiya berbelav û redkirina kesên ku hewl didin welêt ji hundir ve hilweşînin, ne hewce bû ku fîşekên ku îşev li mala Serokwezîr hatin avêtin.”