Li Almanya dersa zimanê Kurdî

Li Elmanya, bajarê Wuppertalê di dibistanan de dersa zmanê Kurdî despê dike. Konfederasyona Komeleyên Kurdistan li Ewrupa-KOMKAR.eu bi şaredariya Wuppertalê re ket têkiliyek û bo zarokên Kurd daxwaza perwerda bi zimanê Kurdî kir.

Serokê KOMKAR.eu Kovan Amedî da zanîn ku wan bi berpirsiyarên şaredariya Wuppertalê re hevdîtinek pêk anîne û weha lê zêde kir: „Wek tê zanîn li eyaleta Westfalya Ren ya Bakûr-NRW perwerdeya bi zimanê Kurdî  mafekî yasayî ye. Lê belê, ji bo ku ev maf bê bikar anîn, daxwaza dê û bavan giringtir e. Li gor agahiyên ku me girtine, li bajarê Wuppertalê zarokên Kurd ji perwerda bi zimanê Kurdî bêpar in.

Li ser vê yekê KOMKAR.eu, bi şaredariya Wuppertalê re kete têkiliyan û ji bo zarokên Kurd, daxwaza perwerdeya bi zimanê Kurdî kir. Ev daxwaza me ji aliyê şaredariyê ve hat pejirandin. Ji bo ku ev daxwaza têkeve rojeva eyaleta NRW pêwîst e em îmzeyên dê û bavan kom bikin. Em hêvîdar in ku Kurdên nişteciyên bajarê Wuppertalê di vî warî de hestiyar bin û bi me ra bikevin têkiliyê.“

Ji bo têkilî û zêdetir agahdariyan:
KOMKAR.eu
Wirmhof 3, D-42103 Wuppertal
E-Mail: [email protected]
Tel: 0202 / 897 59 26
Fax: 0202 / 897 59 27