Kurd dê beşdarî civîna awarte ya aliyên siyasî bibe

 Serokê fraksyona hevpeymaniya Kurdistanê li parlamentoya Iraqê, Fuad Mesûm, diyar kir, kurd dê beşdarî civîna awarte ya çareseriya aloziyên siyasî yên Iraqê bibe.

Fuad MasumFuad Mesûm, ji AKnewsê re got, heke civîna awarte ya çareseriya aloziyên siyasî yên Iraqê bê sazkirin, kurd dê beşdar bibe.

Mesûm, diyar kir, bo amadekirina civînê, dê lêjneyek pêk bê.

Cîgirê serokê fraksyona hevpeymaniya Kurdistanî, Muhsin Seidûn, jî got, di heyama 2-3 rojên din de, dê cih û wextê civîna awarte ya aliyên siyasî yên Iraqê bê destnîşankirin.

Seidûn, da zanîn, tê payîn, civîn li Bexdayê bê lidarxistin û wiha pêde çû, beşdarbûna serokê herêmê di wê civînê de, girêdayî wê ye ku kîjan aliyên Iraqî beşdarî civînê bibin.

Tê zanîn, piştî vekişîna hêzên Amerîka ji Iraqê, nakokiyên navbera serokwezîr Nûrî Malikî û serokê lîsteya Iraqiye Eyad Ellawî kûrtir bûye. Her wiha, derxistina fermana girtina cîgirê serokomar Tariq Haşimî, bi tohmeta karên terorîstî, rewş aloztir kir.

Bersiv :

Nêrîna te
Nav: