KADEP: Divê wezîrên navxwe û parastinê ji kar bên dûrxistin
Cîgirê serokê giştî yê partiya demokrasiya beşdarker (KADEP) Nadir Yektaş, diyar kir, divê hikûmeta AKPê, wezîrên parastin û navxwe, ji ber bûyera Qilabanê ya Şirnexê ji kar dûr bixe.
nadiryektasCîgirê serokê giştî yê KADEPê, Nadir Yektaş, li avahiya partiyê ya Diyarbekirê, li bara kuştina 35 gundiyên sivîl li gundê Roboskî yê Qilabana Şirnexê ji aliyê balafirên şerî yên Tirkiyê de, civîneke çapemeniyê saz kir.
Yektaş, diyar kir, hikûmet û dijbere dixwazin bi “lêborînê”, vê yekê li ser xwe bavêjin û wiha got, “Serokwezîr bo bûyera Dêrsimê jî lêborîn xwestibû. Ji aliyek lêborîn tê xwestin, ji aliyên din ve jî, komkujî tê kirin.”
Nadir Yektaş, behsa şîretên Erdogan bo serokê Sûriyê kir û wiha axivî, “Tu ji Beşar Esed re dibêjî ‘zilmê li gelê xwe neke’, lê tu çima li welatê xwe karê antî-demokratîk dikî? Serokwezîr dibêje tu dewletek xelkê xwe nade ber topan. Lê bixwe jî ji ber ku dewletê xelk daye ber topan, lêborîn xwest.”
Cîgirê serokê KADEPê, ji hikûmeta AKPê xwest, wezîrên parastin û navxwe, ji ber ku berpirsên bûyera Qilabanê ne, ji kar bên dûrxistin û got, pirsa kurd bi Tirkiyeke federal tê çareserkirin.(AKnews)
