Ji serokê CHPê peyama pirsa Kurd!
CHP biryar daye ku, her roja çarşembê navçeyeka Stanbulê xwepêşanenekî li darbêxe. Duh êvarê jî li navçeya Şîşlî ya Stanbulê CHPê xwepêşandanek kir. Serokê Şeredariya Şîşlî jî bi tuhmeta arikarî ş li hevkirina terorê hatiye girtin û di girtigehê de ye. Dewsa wî de qayûm hatiye tayîn kirin.
Serokê CHPê Ozgur Ozel xwepêşandanê de axavtinek kir û beşek axavtina xwe de behsa Kurda kir û Erdogan di vê derbarê de jî bi tundî tawanbar kir û gelek rexneyên hişk kirin.
Ozel axavtina xwe de got:
Mixabin şeş serokê şeredar û cîgirêb wan di zindanên Sîlîvriyê de ne. Lekeya ku hewl didin bixin ser Serok Emrah û Serok Ekrem hevkariya bi terorê re ye, hevkariya bi rêxistina terorê re ye. Her wiha îftîrayê li Şaredarê me yê Esenyurtê Ahmet Ozer jî dikin. Ez dixwazim li vir careke din bibêjim ku sûcdariya terorê ji bilî derew û hîleyek e ku ji bo tayînkirina qeyûm li şaredariyek ku nekariye were hilbijartin û nekare bi ser bikeve, tê kirin. Tawanên Erdogan dibêje bêbextiyek rezîl e. Ez ji hemû dozgeran re vê dibêjim: Binêrin, li vir hevalên me yên wekîl şaredar hene.
Li Şîşliyê kesek wek qeyûm dimîne. Serokê navçeyê heye. Eger di meclîsa şaredariyê de nivîsandina lîsteyên kesên ku bi navê lihevhatina bajarî ji dewletê paqij kirine, qeydên wan ên sûc tune ne, xwedî temînatên dewletê yên namzetiyê ne û dikarin dengên kurdan û demokratên kurd li bajarê ku lê dijîn bînin sûc e, xwediyê wê sûcê ev e: Ozgur Özel. Li kesekî din negerin. Eger di lîsteya şaredariyên min de, lîsteya Resûl Emrah Şahan yan jî di lîsteya şaredariyeke din de kesekî Kurdekî demokrat hebe, ev ji ber nirxa ku em didin Kurdan û hurmeta me ji bo wan e.
Dema kurd dengê xwe didin we, hûn dibin ‘Kurdê meqbûl’; Dema ku kurd dengê xwe bidin CHP’ê hûn ji yekî re bibêjin ‘terorîst’ hûn sextekar û durû ne. Niha jî li Tirkiyeyê pirsgirêka kurd çareser dikin, aştiyê tînin Tirkiyeyê, Tirkiyeyê bê terorê dikin. Gelo bi vê bêdilîtî û durûtiyê, sextekar, ev pirs çareser çêdibe?
Çare; Ev jî bi dîtina kurd û tirkan wek bira û wek hev dibe. Di navbera Laz, Çerkez û Pomak de cudahiyê nakin; Bi hembêzkirina Elewî û Sunî bi hev re dibe. Zihniyeteke ku xeyalên selefî heye, dixwaze li şûna sindoqê weke sultan bimîne, dixwaze bibe xelîfe, nikare vê bike. Demokrat wisa dikin. Cûntayekî ku bi xeyalên selefî û nêzîkatiyên selefî li dijî cîgirê xwe derbeyê dike, nikare pirsgirêka Kurd bibîne û çareser bike. Eger bikaribe vê çareser bike, partiya damezrîner a Tirkiyeyê, partiya yekemîn a îro CHP jî dikare çareser bike.”
