Îdîa: Kongreya PKKê hat lidarxistin, rêxistinê biryara xwe hilweşandinê da
Di demên dawî de, îdiayên cûrbecûr li ser lidarxistina kongreya PKKê û biryara danîna çekan û hilweşandina rêxistinê têne kirin. Lêbelê, agahiyek zelal tune ku gelo ev îdia rast in an na.
Hat îdiakirin ku kongreya PKKê v civiyaye û biryar daye ku ew were hilweşandin. Hat îdîakirin ku agahî ji rayedarên dewletê re jî hatiye dayîn.
Li gorî îdiayên di nûçeya rojnameya Aydınlıkê de, rêxistinê kongreya di Nîsanê de li dar xistiye. Hate diyarkirin ku biryara bidawîkirinê di encama kongreyê de hatiye girtin, dewlet hatiye agahdarkirin, lê biryar hîn nehatiye ragihandin.
Di nûçeyê de hat ragihandin ku kongre ne kongreyek e ku çend rojan bidome, û her wiha îdiaya “hat ragihandin ku bi hemî baskên rêxistinê re nîqaşên berfireh hatine kirin” jî hat belavkirin.
Her wiha di nûçeyan de hat gotin ku diviyabû rêxistin biryara kongreyê di 5ê Gulanê de eşkere bikira, lê ji ber mirina ji nişka ve ya Cîgirê Partiya DEMê Sırrı Süreyya Önder ev yek nehat kirin û armanc ew bû ku pêvajoya bêçekkirinê heta dawiya salê biqede.
