Hûsiyan ragihand ku,hêdî Balafirgeha Ben-Gurion ne ewleye.!

Hûsiyan dorpêçkirina hewayî ya li ser Balafirgeha Ben-Gurion ragihand û gef li her şîrketên hewayî yên ku bifirin Îsraîlê xwar.

Hûsiyên Yemenê dorpêçkirina li ser Balafirgeha Ben-Gurion ragihand û hişyarî da şîrketên mezin ên hewayî ku ber bi Îsraîlê ve nefirin.

Hûsiyan di daxuyaniya xwe ya li ser X/Twitterê de wiha got: “Piştî serkeftina Hêzên me yên Çekdar ên Yemenê di qutkirina keştiyên Îsraîlê yên li Deryaya Sor de, li ser Balafirgeha Ben-Gurion a li Filistîna dagirkirî dorpêç tê kirin.”

Hûsiyan hişyarî dan Lufthansa, Turkish Airlines, Air France, British Airways, United Airlines û easyJet ku ji bo “ewlehiya her kesî nefirin Îsraîl.

Rêxistinê nivîsand ku her xelekên din ên hewayî ku ber bi Balafirgeha Ben-Gurion ve bifirin jî dê bibin hedef.

Di daxuyaniyê de hat gotin, “Ji kerema xwe biryara Hêzên Çekdar ên Yemenê cidî bigirin, ji ber ku Balafirgeha Ben-Gurion êdî ewle nabe heta ku êrişên li ser Xezeyê ranewestin.”

Ev daxuyanî piştî wê yekê tê ku rêxistina terorîst a Yemenê di heftiya borî de çend mûşekên balîstîk ber bi Îsraîlê ve avêtin.

Hûsiyan roja Înê di nav du mehan da cara sêyemîn Quds bi moşekan kir armanc.