HPK Pîrozbahiya Nêçîrvan Barzanî dike

Jibo Serokê Hukûmeta Herêma Kurdistanê

Rêzdar Nêçirvan Barzanî

Îlan kirina Kabîneya   Heyştemîn Ya  Hukûmeta  Herêma  Kurdistanê,  mizgînîya  yekgirtin ,  hemahengi û serbilindiya  hemû miletê Kurd û Kurdistaniyan e.

Pêşmergeyên  qehreman  îro  careke  din jî,  hêviyên  hemû miletê  Kurd  yê  li her çar perçeyên Kurdistanê geş dikin. Ala rengîn îro li dile Kurdistanê li Kerkûke, li Hewlêra paytext  li ser Parlemena Kurdistanê  bi ked û emeka şehîdan , pêşmergeyên qehreman û hemû xebatkarên civata Kurd û Kurdistanê bi serfirazî diheje.

Di demeke ewqas hesas û dîrokî de bi beşdariya hemû hêzên siyasî yên Kurdistanê avakirina Hukûmeta Herêma Kurdistanê, li dijî plan û dek û lehîstokên dijminên miletê kurd, serhildanek e, xweseriyeke neteweyî ye. Eve  jî  cîhê şanaziya hemû  Kurd  û Kurdistaniyan e.

Em   pêkhateyên  Kabîneya  Hukûmeta  Heyştemîn  Ji  bo rizgar kirina hemû Başûrê Kurdistanê ji can û dil pîroz dikin.Em bawer dikin bi yekgirtin û hemahengiya we dê miletê Kurd û hemû Kurdistan  bikaribe mafê çarenûsiya xwe bi îradeya xwe ya azad bi dest bixe.

Em  bawer dikin ku kabîneya  heyştemîn  ji bo edaleta  civakî, jibo  çareserkirina  pirsgirêkên aborî û îdarî dê xebat û  bernameyên heyî  berdewam bike û dê xebatên  nuh yên  bi dile hemû miletê Kurd  pêk bîne.Em bawer dikin ku gelê me di idareye hukûmeta  yekgirtî  ya Herêma  Kurdistanê de,  dê azadiyê û xweşiyê bi  hevre bijî.

Em cenabê te û  hemû  endamên Kabîneya  Heyştemîn ya  Hukûmeta  Herêma  Kurdistanê  pîroz dikin û serkeftina we dixwazin.

18.06.2014
Komîteya  Rêveberiyê ya  Hewldana Partiyeke Kurdistanî

Bersiv :

Nêrîna te
Nav: