Hizbullah ji bo DYA û Îsraîlê: Wê felaketeke mezin çêbibe

Sekreterê Giştî yê Tevgera Hizbullah a Lubnanê Hesen Nasrallah diyar kir ku “Amerîka bi êrîşa hewayî ya li ser Yemenê peyamek da û gef li Îranê xwar.”

Serokê Hîzbullahê Nasrallah bi rêya vîdyo-konferansê beşdarî bernameyekî bû.

Nasrallah bal kişand ser êrîşên hewayî yên DYA û Britanya yên di 12’ê Çileyê de li dijî Yemenê pêk anîn û got, “Êrîşa dawî ya li ser Yemenê ehmeqiya Îngîlîz û Amerîkayê ye. “Amerîka îdia dike ku ew naxwaze şer gurtir bike, lê ew bi xwe vê yekê dikin.”

Nasrallah diyar kir ku ne mimkûn e ku, Ew bi êrîşên hewayî bikaribin rê li êrîşê Hûsiyên Yemenê li Keştiyên Behra Sor re derbas dibin bigrin, û wiha got: “Tiştê ku Amerîkiyan li Behra Sor dikin dê zirarê bide hemû trafîka deryayî û wan ev hemû ji bo parastina Îsraîlê kirin. .”

“Biden û rêveberiya wî xelet in”

Nasrallah diyar kir ku Yemenî dê çawa bersivê bidin êrîşên Amerîka ûBritanya û got: “Joe Biden û rêveberiya wî di şandina peyaman û tehdîdkirina Îranê de xelet in.”

Nasrallah bi bîr xist ku piştî 7ê cotmehê ku Îsraîlê dest bi êrîşên xwe yên li ser Xezayê kir, DYAyê keştiyên xwe yên şer şandin Rojhilatê Behra Spî ji bo tehdîdkirina Lubnanê bike û wiha got: “Hewl dan Lubnanê tehdîd bikin, lê bi ser neketin. “Piştre bi rêya Îsraîliyan, bi êrîşên li Yemenê û bi êrîşên li Iraqê gefên bêkêr kirin.”

“Ew ê ji bo Îsraîlê bibe felaketeke mezin”

Nasrallah amaje bi xisarên artêşa Îsraîlê yên li Xezayê û sînorê Lubnanê kir û wiha got:

“Hin çavkaniyan gotin ku 4000 leşkerên Îsraîlî ‘seqet in’, ango piştî ku birîndar bûn neçar man ji şer li hemû eniyan vekişin. Çapemeniya Îsraîlî ji van hejmaran gelekî şerm dike û li gorî hin texmînan derdora 30 hezar leşker hene. Dema ku şer bi dawî bû, wê hejmarên rastîn eşkere bibin û ew ê ji bo Îsraîlê bibe felaketek mezin
​