Hewramî: Projeya Patrodolar bo hemû Îraqê ye

Aşitî Hewramî wezîrê samanên xwezayî yê hikûmeta herêma Kurdistanê di daxuyaniyekê de got ku, nuha herêma Kurdistanê 170 hezar bermîlên neftê di rojekê de bo derve dişîne.

Hewramî got: ”Nuha herêma Kurdistanê 170 hezar bermîlên neftê di rojekê de difroşe û tê çaverêkirin ku heta dawiya îsal herêma Kurdistanê 200 hezar bermîlên neftê di rojekê de bo derve bişîne.”

Li dor projeyê Nabucco jî wezîrê derametên xwezayî got: ”Nabucco projeyekî nevdewletê mezine û nuha di qonaxa cêbicêkirinê deye û dê çend salan dom bike heta timam bibe. Pêwîst nake di nav Îraqê de, bi taybetî ji aliyê hindek berprisên bexdayê ve daxuyaniya li ser projeyê Nabucco bidin û bêjin; herêma Kurdistanê nikare beşdariyê di wî projeyî de bike.  Nuha em li Îraqê mijûlî çareserkirina pirsgirêkên navxweyî yên di warê gaz û patroklê de ne.”

Hewramî behsa projeyê Patrodolar jî kir û got ku, ew projeye bo hemû Îraqê ye digel her sê wîlayetên herêma Kurdistanê jî, û hemû hevwelatiyên Îraqê digire nav xwe.

Li gor projeyê Patrodolar, ew devera patrolê lê tê firotên serê her bermîleyekê yek dolar bo xelkê wê deverê ye.