Pêşnûmeya qanûna çarçove ya ku ji bo rêxistina PKKê hatiye amadekirin da ku çekên xwe deyne, tê payîn ku îro bi sernavê “Xurtkirina Hevgirtina Neteweyî û Yekbûna Civakî” pêşkêşî Serokatiya Parlementoya Tirkiyeyê were kirin. Armanc ew e ku pêşniyar roja Yekşemê bibe qanûn.
Di pêvajoya “Tirkiyeyek bê teror” de gavên girîng têne avêtin. Pêşnûmeya ku îmzeyên wê duh temam bûn, tê payîn ku îro radestî ofîsa Serokê Parlementoyê were kirin. Tê diyarkirin ku rêveber û parlamenterên AK Partî, MHP û DEM dê pêşnûmeyê îmze bikin. Biryar e ku pêşnûme roja Înê 7ê Tebaxê li Komîsyona Edaletê û roja Yekşemê 9ê Tebaxê li civîna Giştî ya Meclîsê were nîqaşkirin.
Ji bo pişgiryê tevî parlementerên AK Partî, MHP û DEMê pêwendî parlementerên opozisyonê re jî berdewam dikin.
Metna pêşnûmeqanûnê nehat dayîn; tenê naveroka wê hate ravekirin. Tê payîn ku koma parlemanî ya AK Partî îro li pişt deriyên girtî bicive. Di vê civînê de dê agahdariya berfireh li ser qanûna çarçove were dayîn.
Li gorî agahiyên ku ji partiyên muxalefetê re hatine dayîn, hûrguliyên Pêşniyara Xurtkirina Hevgirtina Neteweyî û Entegrasyona Civakî wiha ne:
Şertê yekem û neçar ê pêvajoyê radestkirina çekan a bi tevahî û bêveger ji aliyê rêxistina PKKê ve ye. Ji ber vê yekê, heya ku pêvajoya bêçekkirinê dawî nebe û bi fermî neyê piştrastkirin tu rêziknameyek qanûnî dê nekeve meriyetê.
Pêşniyar xetên sor ên dewletê diparêze. Ji ber vê sedemê ti rêziknameya efûyê ya ku hemû sûcên “terorîstî” digire nav xwe nîne. Efûya kesên ku fermana êrîşa çalakiyan dane û kesên ku hêzên ewlehiyê şehîd kirine di rojevê de nîne. Her wiha ji bilî PKK/KCK’ê ji bo tu kesî statuyeke taybet nayê diyarkirin û ji bo tu rêxistineke din jî ti rêziknameya hiqûqî nayê çêkirin.
Dema qanûnê 6 meh hat diyarkirin. Piştî ku hat tesbîtkirin û tesdîqkirin ku rêxistinê bi temamî bêçek kiriye û biryara MGKê di Rojnameya Fermî de bê weşandin, dê 6 meh maweya serlêdana ‘vegera malê’ dest pê bike.
Lijneyek bi serokatiya Alîkarê Serokomar û Komisyona Şopandinê wê di nav Meclisa Mezin a Tirkiyeyê de bê avakirin. Komîsyona GNAT dema ku hewce bike dê bikaribe pêşniyaran bike.
Yên ku dê ji qanûnê sûd werbigirin dê di sê kategoriyên ‘lêpirsîn, dozgerî û mehkûmî’ de bên nîqaşkirin. Ji bo sûcên ku ji 10 salan kêmtir cezayê girtîgehê tê xwestin, 5 sal taloqkirina cezayê, ji bo sûcên ji 15 salan zêdetir jî 10 sal taloqkirina ceza tê hesibandin. Kesên ku di vê heyamê de sûc nekin dê cezayê wan bê kêmkirin. Di pêşnûmeyê de dê xalên ku dê ji Ocalan û kesên sûcê kuştinê kirine sûdê negirin.
Serokê Giştî yê MHPê Devlet Bahçelî teklîfa “qanûna çarçoveyê” ya ku di çarçoveya pêvajoya “Tirkiyeya Bê Teror” de bê kirin îmze kir. Alîkarê Serokê Koma MHPê Erkan Akçay hat Serokatiya Koma AK Partiyê û îmzeya Serokê Giştî yê MHPê Bahçelî, Alîkarê Serokê Giştî yê MHPê Fetî Yildiz, Alîkarê Serokê Giştî yê GNATê Celal Adan, Alîkara Serokê Komê Filiz Kiliç û îmzeyên xwe teslîm kir.
Armanc, prensîb û hesasiyetên sereke yên pêvajoya “Tirkiyeya Bê Teror” wiha ne:
Bi rêkûpêkkirina qanûnî wê Tirkiye ji bendavên xwe rizgar bibe; Bi aborî, demokrasî, hawîrdora veberhênanê û geşepêdana bihêztir dê eniyek navxweyî ya bihêztir were afirandin. Xurtkirina eniya navxweyî wê bibe garantiya herî girîng a ewlehiya neteweyî ya Tirkiyeyê.
