Li gora nûçeya Kurdistan TV, Heval û rêhevalê Mele Mistefa Barzaniyê Nemir yê dema çûyîn Rûsiyeyê û pêşmergeyê komara Kurdistanê ya Mehabadê û herwiha pêşmergeyê Şoreşa mezin ya Îlonê, Ehmed Elî Ergûşî jiber nexweşiyê koçbar bû.
Ehmed Elî Ergûşî di sala 1929an li Gundê Ergûşê ya li Devera Barzanê ji dayik bûye û di sala 1946an de beşdariya komara Kurdistanê ya li Mehabadê kiriye û di sala 1947an de jî tevî Barzaniyê Nemir berbi Sovyetê ve çûye û li wir di warê çandinê de dîplomeya xwe bi dest xistiye û di sala 1958an de tevî Barzaniyê Nemir û hevalên din yên xwe wegeriyaye Kurdistanê û di sala 2011an de jî xelata Barzaniyê Nemir ji aliyê Serokê Kurdistanê ve jê re hatiye pêşkêşkirin.