Helwestek: Pişta şîn

Pişta şîn

 

Baxê  jiyanê li dergahê  teye kurdo bese

Rab û rûnê  bik  sipasî ku şehîdê te heye

 

Xweş di bîra xwed werîne bejn û bala wî delal

Ko  xwedê ew birye  azman va  sitêra te heye

 

Ekrem ê şêrîn li baxan bûnye milkê miletî

Miletê   birçî û tazî  vêca nanê wî heye

 

Me gelek  dewr û jan dfîtin li heyamê berê

Her felek qet namîne wer vêcarê gava me ye

 

Tajî û lawên çeqelan tên nêçîra qaza me

Cana me ne bê xwedî ye bazê zinara heye

 

Bi wêrîna we Hozano kurm ji darê weşiyan

Kes nema kare bêje ko ridê pergende ye

 

Nû jiyan çêkir li şûn xwe ey şehîdê qehreman

Roniyê ji bo me diçînin hem heyv û roja meye

 

Ne tenê şêr û şepalê me ji nêv çiyê dizên

Va li beryê  jî diyare ku Diyarê me heye

 

We govenda me xweşik kir hûn şehîd û torevan

Tembûra we dilîlîne  senfoniyek  me heye

 

Du çemên gewre û şêrîn tên ficana wey tenik

Kerş ji ber şîpan direvin sorlehî şoya me ye

 

Nêrigiz û lalên nûhatî  bîn û rengên xwe didin

Vedibin dergah li kurdan mizgîna jîna me ye

 

Ev bedewên qenc û nazik wê ji bîra kê biçin

Pişta dayikan veşîne pêvejîn terha we ye

 

Rêmên reş bavên me kuştin zar û zêç winda kiein

lê milet herdem mestire hîmê wî pir gewreye…

 

 Beşîrê Mele

 

 

 

 

 

 

 

 

 

Nerîna min :