Frakisyona PDKê ya Parlamentoya Kurdistanê bi daxuyaniyekî diyar kir ku desteserkirina parlamenterên HDPê xizmeta pêvajoya demokrasiyê nake. Frakisyona Partiya Demokrata Kurdistanê (PDK) ya Parlamentoya Kurdistanê derbarê binçavkirina hevserok û parlamenterên HDPê de daxuyaniyeke nivîskî weşand û ragihand: “Girtin û desteserkirina hevserokên Partîya Dêmokratîk a Gelan û perlemantarên ser bi vê partiyê ve cihê dilgiraniyê ye. Reftarên wiha bi ti awayî xizimeta pêvajoya dêmokrasiyê nakin û di heman demê de, şer û pevçûn û hevdû qebûlnekirin xizimeta pêkve jiyanê nake.” Di berdewama daxuyaniyê de hate destnîşankirin ku di rewşeka weke îro de ku li Rojhilata Navîn alozî û şer hene, ji Tirkiye û desthilatdariya wê tê xwestin aşitî û dêmokrasiyê serdest bike. Frakisyona PDKê di daxuyaniya xwe de got: “em di wê hêviyê de ne ku demek ji ya din zûtir pirsgirêk bêne çareserkirin û rêya aşitiyê dewsa rêyên tundî û hev qebûl nekirinê bigre. Bi hêvîiya aşitiyê.”
Pêş
29/03/2024
Li Bilîsê berbijêrê CHPê tevlî AK Partiyê bû
29/03/2024
Li Deriyê Gumrika Xabûrê 850 kîlo eroîn hat girtin
Balkêş e ?
Close