Geştên asmanîyê Abu Debî-Hewlêrê destpêkirn

Îro piştî nîvro 01.06.2010ê bi amadebûna Enwer çelebî wezîrê guhastin û gehandinê yê hikûmeta herêma Kurdistanê û Felah Mistefa berpirsê têkeliyên derve yê hikûmeta herêma Kurdistanê , şirkta Îtîhad a balafiran a Îmaratê yekemîn geştên xwe yên asmanî ji Abu nDebî bo Hewlêrê dest pêkir.

Di merasimekê de ku Elî Sindî wezîrê pilandananê yê hikûmeta Kurdistanê, Raşid Mensûr berpirsê karûberên sefaretxaneya Mîrgehên Yekgirtiyên Erebî li Bexdayê, Hesen Hemadî cîgirê serokê kompaniya Îtîhad a balafiran û hijmareke berpirsên hikûmî li firêkexaneya navdewletîya Hewlêrê amade bûn û bi vê minasebetê çend gotaran hatin pêşkeş kirin.

Felah Mistefa berpirsê têkeliyên derve gotarek pêşkeş kir û têda kêfxweşiya xwe li hember destpêkirina yekemîn geşta asmanî ya şirketa Îtîhad ya balefiran ya Îmaartê ji bo Abo Debî bo Hewlêra paytexta herêma Kurdistanê nîşan da û ev destpêşxeriya (însiyativ) hikûmeta Îmaratê bi pêngaveke gelek giring wesif kir. 

Hesen Hemadî cîgirê serokê kompaniya Îtîhad a balafiran  gotarek pêşkeş kir û wî di axaftina xwe da got:”Silavên hevwelatiyên Abuzebî digihînim hevwelatiyên herêma Kurdistanê. Destpêka hemû têkeliyên aborî û berhemanînê pêwîstî bi pirekê heye, îro kompaniya Îtîhad ya Îmaratê ew pir ku dikare herêma Kurdisatanê bi Abuzebî û hemû cîhanê ve girê bide avkir.

Kompaniya Îtîhad ya geştên asmanî dê di hevtiyekê da du caran, rojên şemiyê û sêşemiyê geştên asmanî di navbera Abuzebî û Hewlêrê encam bide.

Weke tê zanîn di 25.04.2010ê şîrketa balafiran Lufthansa a almanî (Deutsche Lufthansa AG),  yekemîn sefera esamnî ji Frankfurt bo Hewlêrê dest pê kir.
Tê çaverê kirin ku şirketa balafiran ya Tirkiyeyê ( Turkish Airlines) di roja 10.06.2010ê da ji Istanbul bo Hewlêrê dest bi geştên esmanê bike û dibe ku di heftiyê de heft geştan bike.

Nerîna min :