Di yekem karvedana xwe de, Partiya Demokrat a Kurdistanê (PDK) nerazîbûna xwe derbarê guhartina encamên dawiyê yên proseya hilbijartinê û talankirina du kursiyên wê nîşan da.
Berdevkê PDKê Mehmûd Mihemed di daxuyaniyekê de helwesta PDKê derbarê ragihandina îro ya Komisyona Bilind a Serbixwe ya Hilbijartinan de nîşan da.
Berdevkê PDKê di daxuyaniya xwe de got: “Piştî ragihandina encamên dawiyê yên hilbijartinên Encûmena Nûneran a Iraqê ji aliyê Komisyona Bilind a Serbixwe ya Hilbijartinan ve, derket ku du kursiyên ku destkeftên yasayî yên du kandîdên me li parêzgehên Hewlêr û Neynewayê bûn, hatin talankirin.”
Berdevkê PDKê aşkere kir ku Polîtburoya PDKê dê ji bo vê mebestê bicive û got: “Ji ber vê yekê, piştî encamdana civîna Polîtburoya partiya me, em ê helwesta partiya xwe derbarê vî karê nerewa de rabigihînin.”
