Danîmark çek û leşkeran dişîne herêma Kurdistanê

Parlamentoya Danîmark biryar da çek û cebilxane bi hêzên pêşmergeyê Kurdistanê ku, şerê çekdarên DAÎŞ dikin, bide û dikare leşkeran jî ji bo herêma Kurdistanê binêre.

Dilawer Ajgehî nûnerê hikûmeta herêma Kurdistanê li Yekêtiya Ewropayê, ji Xendan re got ku, parlamentoya Danîmark biryar da  hevkariyên leşkerî bide herêma Kurdistanê.

Li gor Ajgehî, roja 28ê vê mehê balefireke serbazî ji curê C-130  ji bajarê Alborg ber bi herêma Kurdistanê firîye û di wê balefirê de alîkariyên leşkerî bo herêma Kurdistanê hene.

Nûnerê hikûmeta Kurdistanê got jî tevî cek û cebilxane, 55 serbazên danîmarkî di wê balefirê de hene û dê di şerê dijî terorîstan de alîkariya pêşmergeyê Kurdistanê bikin.

Li gor Ajgehî her 14 rojan careke ew balefir dê cek û alîkariyên leşkerî ji Danîmark bigehîne herêma Kurdistanê.

Nerîna min :