Dadgeha Federal biryara li ser yasaya hilbijartinên Herêma Kurdistanê taloq kir

Hat ragihandin ku Dadgeha Federal a Iraqê ji bo nirxandin û biryara ku di derbarê Qanûna Hilbijartinê ya Parlamentoya Herêma Kurdistanê de bide, ji ber giliyê endamên YNK hat taloqkirin.  

Hat ragihandin ku rûniştina Dadgeha Federal a di derbarê gilîkirina li dijî Qanûna Hilbijartinê ya Parlamentoya Herêma Kurdistanê ji bo 27ê Kanûnê hat taloqkirin. 

Dadgeha Federal wê gilîyê Serokê Koma YNKê ya heyama pêncem a Parlamentoya Herêma Kurdistanê Ziyad Cebar û Parlamentera Fraksiyona Rafideyîn a encûmena parêzgeha Silêmaniyê Amanc Necîb Şemûn binirxîne.

 Di gilînameyê de ji Dadgeha Federalî tê xwestin ku bendên 1, 9, 15, 22 û 36 yên qanûna hilbijartina parlamentoya Herêma Kurdistanê (qanûna jimare 1 a sala 1992) nedestûrî îlan bike.

Guhertinên ku tên xwestin mijarên girêdayî kursiyên kota û navçeyên hilbijartinê ne.