Ji rêveberên PKKê Mustafa Karasu, di hevpeyvînekê de bi rojnamevan Erdal Er re diyar kir ku, Qendîl di çarçoveya pêvajoya berdewam de hem bi Abdullah Öcalan û hem jî bi rayedarên dewletê re di têkiliyê de ye. Karasu got ku rêberên PKKê û nûnerên dewletê li “cihên diyarkirî” rû bi rû dicivin û li ser hin mijaran gavên pratîkî têne avêtin.
Mustafa Karasu, diyar kir ku ji bo danûstandina nêrînan di navbera Qendîl û Îmraliyê de kanalek heye û got, “Di navbera me û Îmraliyê de têkilî heye. Kanalek heye ku bi rêya wê nêrînên hevbeş têne danûstandin.”
Beşa herî balkêş a daxuyaniya Karasu ew îdiaya wî bû ku têkilî ne tenê bi danûstandina peyaman di navbera Qendîl û Îmraliyê de sînordar in. Karasu diyar kir ku rêberên PKKê û rayedarên dewletê dem bi dem rasterast dicivin û got:
“Hin hevkarên me li hin cihan bi hin rayedaran re rûdinin û nîqaş dikin. Li ser hin mijaran gavên pratîkî têne avêtin.”
Karasu diyar kir ku di hevdîtinan de, alîyan nerazîbûn û fikarên xwe yên derbarê pêvajoyê de ji hev re anîne ziman û gotiye, “Dewlet fikarên xwe hene, ev têne ragihandin û nîqaşkirin. Dema ku fikarên me hebin, hevkarên me bi rayedarên dewletê re dicivin.”
Karasu got: “Heke têkiliya me bi dewletê re tune be, danûstandina nêrînan bi Îmraliyê re tune be, ev pirsgirêk dê çawa çareser bibe?”
