Ciwan Haco Konferansa Dersimê vedike


 

Konferansa navnetewî ya Dersim-1938 an ku ji aliyê organîzasyona mafê mirovan ya li dijî jenosîd kirina gelên Kurdistanê Kurdocide Watch-CHAK ê ve tê organîzekirin û di 24 çileya paşîn 2010 de li Stockholmê pêk tê, programa xwe diyar bû. Li ser pirsê beyana Kurdocide Watch News ê wisa ye:

 

Cihê kêfxweşiyê ye ku hêja Ciwan Haco bi dengê xwe yê xweş beşdarî konferansê dibe. Hunermendê mezin yê Kurd Ciwan Haco di muzîka Kurdî de ekolek bi sere xwe ye û konferans bi stirana “Dersim welatê ma yo” dest pê dike:

 
Dêrsim welatê ma yo
Palo welatê ma yo
Welatê s(sh)ervana yo
Welatê wes(sh) û rindo
 
Welatê ma kurmanci yo
Serê koyê dizgenî yo
Seyid Rizo seyidê ma yo
Reberê welatê ma yo…
 

Paşê du pisporên dîrokê Prof. David Gaunt û Håkan Blumqvist dê li ser jenosîda Dersimê axaftinên bi wate pêşkêş bikin. Niwênerên partiyên polîtîk li Swêdê beşdar dibin û dê li ser pirsê dîtinên xwe bihênin zimên. Hejmarek dezgehên mafê mirovan û demokratîk beşdar dibin. Dezgehên demokratîk yên kurdan bi giştî hatine vexwendin. Bi ihtîmalek mezin ji niwêneriya BDP ê jî mêvan tên. Meclîsa Aşitiyê li Ewropayê beşdar dibe. Niwênerên Aşûriyan beşdarî konferansê dibin. Her wisa niwênerên gel û baweriyên cewaz li Kurdistanê hatine dawetkirin.

Şanoger û senarîstê Kurd Kemal Gorgu şanoya Dersimê pêşkêşî temaşavenan dike. Her wisa şahidên buyerê dîtinên xwe dihênin zimên û fîlmek li ser pirsê tê pêşkêşkirin. Nivîskar û lêkolînêra Kurd Evîn Sêvê Çîçek ji Swîsreyê tê û bi fransî dîtinên xwe dihêne zimên.

 

EuroKurd News – eurokurd.net

Bersiv :

Nêrîna te
Nav: