Cîgirê Serokê AK Partiyê Hasan Basrî Yalçin, piştî ku,PKKê kongreya xwe lidar xist, di daxuyaniya xwe de got, “Bi yek daxuyaniyekê hilweşandin çênabe. Em hilweşandin û bêçekbûna fiîlî dixwazin.”
Pêvajoya “avakirina Tirkiyeyek bê teror” ku bi banga Serokê MHPê Devlet Bahçeli dest pê kir, gihîştiye qonaxên xwe yên dawî. Piştî banga Abdullah Öcalan a ji bo danîna çekan, PKKê ragihand ku wan di 5-7ê Gulanê de kongreya xwe li dar xistiye.
Di daxuyaniya xwe ya derbarê kongreyê de, PKK diyar kir ku biryarên ku hatine girtin dê ji raya giştî re werin ragihandin.
Herwiha şîroveyeke girîng ji Cîgirê Serokê AK Partiyê Hasan Basrî Yalçın hat. Yalçin di daxuyaniya de got: “Bi yek daxuyaniyekê hilweşandin çênabe. Em li bendê ne ku PKK were hilweşandin û çek werin terikandin.”
Yalçin, ku di weşana zindî ya CNN Türkê de axivî got: “Divê em li benda daxuyaniya PKKê bisekinin, em ê bi hev re bibînin ka dê di daxuyaniyê de çi bibe, wekî Tirkiye, em dikarin hêviyên xwe diyar bikin. Em ê her daxuyaniyek ku PKK bike pêşwazî bikin. Ger hûn bifikirin ku ev nîqaş ji Cotmehê ve didomin, tenê tiştek heye ku Serokkomarê me ji destpêka wê pêvajoyê ve li ser sekinîye, ku wî bi axaftina xwe ya yekem li Parlamentoyê dest pê kir û dûv re Birêz Devlet Bahçelî destên serokên partiyên muxalefetê hejand.”
Yalçin her wiha got, “Em hewl didin vê yekê ji PKK û tevahiya cîhanê re bibêjin; di asta ku Tirkiye gihîştiye de, di şert û mercên siyasî yên Tirkiyeyê de, di şert û mercên siyasî yên herêmê de, em jixwe dewletek in ku zêdetirî 40 sal in li dijî PKKê şer dike û hewl dide terorê biqedîne. Em wekî hikûmeta AK Partiyê ev 20-25 sal in vê têkoşînê didomînin. Bi taybetî ji sala 2015an vir ve, bi şerekî pir dijwar, me şansê çalakiya PKKê di nav sînorên Tirkiyeyê de jî ji holê rakir. Ji ber vê yekê, nêzîkatiya me ya giştî ev e; em dixwazin terorîzmê, ku 40, 50 sal in pirsgirêkek bingehîn û zincîrek li ser lingên Tirkiyeyê ye, bi tevahî ji rojeva wê derxînin.”
