Celal Talebanî careke din pişta Beşar Esed girt

Celel Talebanî serokomarê Îraqê bi rêya nûnerê xwe nameyeke piştgiriyê ji bo Beşar Esedê serokomarê Sûriyayê hinart.

Li gor rojnameya Tişrîn (http://tishreen.info/_default.asp?FileName=42003595020110823061322) ku, rojnameya fermî ya hikûmeta sûrî ye, duhî Falih Feyaz wezîrê emniyeta niştimaniya Îraqê  serdana Sûriyeyê kiriye. Feyaz li Şamê digel Beşar Esed civiyaye û di civînê de nameya piştgiriyê a serokomarê Îraqê Celal Tebanî daye destê Esedî.

Li gor rojnameya navborî Talebanî di nameya xwe de dibêje:Li hember wê pîlana li dijî Sûriyeyê tê gêran ku aramî û amniyeta Sûriyeyê kiriye armanc, em piştgiriya desthilata pênc Sûriyeyê dikin.

Di dawiya meha borî de jî Celal Talebanî sekreterê yekêtiya Niştimaniya Kurdistanê nameye ji Esed re şand bû û têde piştgirya xwe bo projeyê reformên Beşar Esed diyar kir bû.

Weke tê zanîn ev zêdetir ji pênc mehane leşekr, emin û îstîxbarat sûrî bi ferma Beşar Esed bi awayekî hovane li xwepêşnandan û serhildana sivîl a gelên Sûriyeyê dide û heta nuha bi hezaran kes ji hevwelatiyên sûrî hatine kuştin û bi hezaran jî hatine girtin.

 


 

 

Nerîna min :