Serokê Amerîkayê Joe Biden di 25ê Tebaxa 2022an de nameyek ji Seroka Meclisa Nûneran, Nancy Pelosi re rêkir. Biden di nameya xwe de dibêje: Bi fermana min, di 23ê Tebaxa 2022an de, Hêzên Amerîkayê êrîş li ser xaleke li bakurê Sûriyê pêk anîn. Ew pêgeh ji aliyê grûpên milîs ên nêzîkî Supaya Pasdaran a Komara Îslamî ya Îranê ve dihat bikaranîn; van grûpan di çend êrîşên dron, mûşek û hawanê de li ser karmendên û bingehên Amerîkayê yên li Sûriyê kirine, ji wan du êrîş li ser du Baregehên Amerîkyê yên li Tenef a Sûriyê, di 15ê Tebaxa 2022an de hat encamdan. Piştî rêze êrîşên komên milîs ên bi piştevaniya Îranê li Iraq û Sûriyê di şeş mehên borî de, li dijî bingeh û hêzên me li Sûriyê hatin kirin jiyana personelên Amerîkayê û Hevpeymanan xiste metirsiyê.”
Pentagonê gotibû ku wan perçayên dronan li Sûrîyê dîtine ku mora Îranê li ser diyar e û ev nîşana wê yekê ye dibe ku Îran êrîşên bi vî awayî zêdetir bike lê Pentagon hişyariyê dide ku êrîşên Îranê yên li dijî berjewendiyên wan wê bêbersiv nemînin.
